Nasionál
CCLN Sei Foti Medida Hasoru Veteranu Falsu
Hatutan.com, (11 Dezembru 2024), Díli–Prezidente Konsellu Fiskal ba Konsellu Kombatentes Libertasaun Nasionál (CCLN, sigla portugés) Anjo Goudinho “Kaitarak”, afirma CCLN liu husi Konsellu Disiplinar sei foti medida hasoru veteranus sira ne’ebé falsifika dokumentu hodi hetan benefísiu ka regalia hanesan veteranu.
Lee Mós: Falsifika Dadus Veteranu, PCIC Submete Kazu 32 ba Ministériu Públiku
Prezidente Konsellu Fiskal CCLN, Anjo Goudinho “Kaitarak”. Foto/Tome da Silva
Daudaun ne’e Konsellu Disiplinar CCLN halo ona servisu lubuk ida hodi rejistu kona-bá falsifikasaun dokumentu no falla balun ne’ebe mak hetan, maibe sidauk to’o faze ida atu pronunsia ba públiku.
“Medida barak prepara ona atu haree modelu ne’e hanusa, maibe klaru kuandu ne’ebé ladiak hasoru nia konsekuensia rasik, timor iha lei hodi define buat sira ne’ebé mak la lao tuir nia dalan,” Anjo Goudinho ” Kaitarak ” hateten ba jornalista sira hafoin aúdensia ho Komisaun F Parlamentu Nasionál, Kuarta( 11/12/2024)
Nia haktuir katak antes ne’e konsellu disiplinar identifika ona balun no aplika ona sansaun tuir iregularidade ne’ebé mak sira komete.
Jornalista: Leopoldina de Carvalho