Prezidente Repúblika Kontente Nafatin ho Índise Liberdade Imprensa 2025 Monu husi 20 Bá 39

Hatutan.com, (10 Maiu 2025), Díli- Prezidente Repúblika Timor-Leste, José Ramos-Horta kontente nafatin ho índise Liberdade Imprensa iha Timor-Leste tinan 2025 tuir relatóriu  Reporters Without Borders (RSF) nian ne’ebé tuun husi númeru 20 ba númeru (39) tanba tuir xefe estadu nia haree Liberdade Imprensa iha Timor-Leste garante 100%.

Lee Mós: Timor-Leste Presiza Komunikasaun Sosial Ne’ebé Forte No Independente Atu Ke’e Sai Korupasaun Sira

Forum Diálogu Dilli 2025, 10 fulan-Maiu. Foto/Elio dos Santos da Costa

Prezidente Repúblika José Ramos-Horta hateten, pesoalmente nia koñese ho polítiku iha Timor-Leste, inkluindu partidu sira úniku, tanba FRETILIN mak uluk hateten, úniku lejitimidade mak partidu úniku.

“Mídia iha mundu ne’e ha’u koñese. Liberdade imprensa ha’u koñese ne’ebé laiha razaun ruma iha rai ida-ne’e bele hatete kompara ho kotuk iha Liberdade imprensa menus, hanesan de’it, VIII Governu mós laiha interferénsia iha mídia, Governu iha 2017 la kumpre tinan ida monu sr. Marí Alkatiri nian Governu,” Ramos-Horta bá Jornalista sira hafoin halo ensera  eventu The Díli  Dialogue Forum, Sábadu (10/05/2025).

Xefe Estadu José Ramos -orta afirma nian kontente nafatin ho índise Liberdade Imprensa Timor-Leste iha tinan 2025 ne’ebé tuun ba (39). Tanba tuir nia, dezde independénsia to’o agora laiha Governu ida kebra  kona-bá Liberdade Imprensa iha atividade ruma nia hateten anti Liberdade ne’e laiha.

“Sé ita nian índise Liberdade Imprensa muda no monu ha’u ladún liga bá ida-ne’e. Importante mak ne’e ha’u iha rai laran, ha’u sente Liberdade Imprensa 100%, seluk sira iha li’ur halo uluk índise Liberdade Imprensa Timor-Leste iha númeru Top 10 ita kontente agora tuun ba númeru 20 ba 39 ne’e mós ha’u kontente,” Xefe Estadu Timor Leste hateten.

Prezidente Repúblika nian haree situasaun la muda iha rai laran, livre nafatin, klaru kontinua garante Liberdade Imprensa nein polítika ruma lei ruma dekretu lei ruma husi Governu ké limita. Iha Prokuradór Jerál privadu balu bele halo keixa kontra jornalista ruma ne’e ema privadu la’ós fali Governu, nune’e avontade ho Liberdade Imprensa.

 Jornalista Estajiária: Zita Menezes