Bá Dahuluk, Aero Dili Transporta PM Xanana ho Delegasaun Halo Viajen Ofisiál Bá Malázia Partisipa Simeira ASEAN

Hatutan.com, (25 Maiu 2025), Díli—Aviaun Komersiál Aero Díli ba dahuluk transporta viajen ofisial Primeiru-Ministru (PM), Kay Rala Xanana Gusmão ho delegasaun bá Malázia hodi partisipa simeira Association of Southeast Asian Nations (ASEAN) bá dala-46.

Lee Mós: MNE-ASEAN Hato’o Sira-Nia Kompromisu Apoiu Timor-Leste Nia Adezaun

PM Xanana ho Aero Dili to’o iha Malázia hodi partisipa simeira ASEAN bá dala-46. Foto/Repro Espesiál

Primeiru-Ministru Kay Rala Xanana Gusmão ho aviaun Aero Dili sai husi Díli hale’u tuku 01.00 meiudia oras lokál Timor-Leste no to’o iha Malázia, hale’u  tuku 03:00 loraik.

Timor-Leste nia prezensa iha simeira ASEAN ba dala-46 ne’e  hanesan observadór iha eventu altu nível ne’ebé hala’o iha Kuala Lumpur, hahú hosi loron 23 to’o  loron 27 fulan-Maiu 2025.

Programa ne’e inklui simeira da-ruak Konsellu Kooperasaun ASEAN-Gulfu (GCC) no Simeira dahuluk ASEAN–GCC-Xina.

Komunikadu imprensa ne’ebé Hatutan.com asesu relata katak Primeiru-Ministru, Kay Rala Xanana Gusmão mak lidera delegasaun altu nível ida ne’ebé kompostu hosi Vise-Primeiru-Ministru no Ministru Koordenadór bá Asuntu Ekonómiku, Francisco Kalbuadi Lay, Ministru Negósiu Estranjeiru no Kooperasaun (MNEK), Bendito dos Santos Freitas, Vise-Ministru bá Asuntu Parlamentár, Adérito Hugo da Costa, Vise-Ministra bá Asuntu ASEAN nian, Milena Rangel, Vise-Ministru bá Komérsiu, Augusto Júnior Trindade no Sekretáriu Estadu Komunikasaun Sosiál, Expedito Dias Ximenes.

Reprezentasaun ne’ebé forte ne’e hatudu Timor-Leste nia kompromisu kontínuu hodi hametin kooperasaun rejionál no prosesu integrasaun ASEAN nian.

Durante partisipasaun iha simeira ne’e, PM Xanana sei hamutuk ho líder sira hosi Estadu-membru ASEAN, nasaun sira Golfu nian no Xina hodi partisipa ativa iha diskusaun altu nível sira kona-bá asuntu xave rejionál no globál.

Primeiru-Ministru sei hala’o mós enkontru bilaterál ho omólogu hosi Estadu-membru sira inklui partisipa iha eventu sekundáriu sira ho objetivu atu aprofunda kooperasaun no hametin lasu rejionál.

Simeira ASEAN bá dala-46 fó plataforma ida ne’ebé iha valór bá Timor-Leste hodi kontribui bá diskusaun sira kona-bá kestaun polítika, ekonómika no seguransa ne’ebé afeta rejiaun ne’e.

Antes simeira, sei hala’o enkontru preparatóriu lubuk ida inklui enkontru preparatóriu sira ASEAN nian SOM-GCC-Xina, enkontru Komité Reprezentante Permanente sira-nian (CPR), Enkontru Ofisiál Superiór sira ASEAN nian (SOM), Reuniaun Preparatóriu Ofisiál Ekonómiku Superiór sira ASEAN nian (SOM), enkontru Ministru Negósiu Estranjeiru sira ASEAN nian (AMM), Reuniaun Konsellu Koordenasaun ASEAN (ACC) bá dala-36, Reuniaun Konsellu Komunidade Polítika no Seguransa ASEAN bá dala-29, Reuniaun Konsellu Komunidade Ekonómika ASEAN (AECC) bá dala-25 no Enkontru Ministeriál ASEAN-GCC.

Timor-Leste hato’o sinseru agradesimentu bá Estadu-membru ASEAN nian bá apoiu kontinua iha prosesu adezaun tomak, liu-liu hodi kumpre marku sira ne’ebé hatuur ona iha Roteiru bá Adezaun Plena Timor-Leste nian iha ASEAN.

Timor-Leste re-afirma kompromisu atu kumpre obrigasaun no kritériu sira ne’ebé nesesáriu bá ninia integrasaun tomak iha futuru iha bloku rejionál.

Governu Timor-Leste hato’o apresiasaun bá Malázia nu’udar nasaun ne’ebé asume Prezidénsia ASEAN nian iha tinan 2025 ho tema “Inkluzividade no Sustentabilidade” no dezeja mandatu susesu bá Malázia, hein atu kolabora iha inisiativa sira ne’ebé promove dezenvolvimentu inkluzivu no sustentável iha rejiaun.

Timor-Leste hein atu partisipa ativamente iha simeira sira no haburas kooperasaun signifikativa ho parseiru sira iha espíritu solidariedade rejionál no benefísiu mútua.

Timor-Leste Prienxe Ona Rekizitu Sira

Vise-Primeiru Ministru, Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay partisipa reuniaun konsellu komunidade Ekonomika ASEAN (AEC) ba dala-25 iha ámbitu simeira ASEAN ba dala-46 iha Malázia. Foto/Espesiál

Sita husi pájina ofisial Facebook Vise PM no Ministru Koordenador Ekonomia no Ministru Turizmu no Ambiente katak Vise-Primeiru Ministru, Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay akompaña husi Vise-Ministru Komersiu no Industria, Augusto Junior Trindade partisipa reuniaun konsellu komunidade Ekonomika ASEAN (AEC) ba dala-25 iha ámbitu simeira ASEAN ba dala-46 ne’e.

Reuniaun ne’e loke direita husi Ministru Investimentu, Komersiu no industria Malázia Teunku Datuk Seri Utama Zafrul Teungku Abdul Aziz ne’ebé partisipa husi nasaun sira ASEAN nian inklui Sekretariu Jeral ASEAN, Kao Kim Hourn,

“𝐑𝐞𝐳𝐮𝐥𝐭𝐚𝐝𝐮 enkontru ne’e 𝐝𝐢’𝐚𝐤 𝐭𝐞𝐛𝐞𝐬, 𝐧𝐨 𝐝𝐢𝐬𝐤𝐮𝐭𝐢 𝐤𝐨𝐧𝐚-𝐛á 𝐩𝐨𝐧𝐭𝐮 𝟕 𝐭𝐚𝐧𝐛𝐚 𝐭𝐮𝐢𝐫 𝐬𝐚𝐢𝐝𝐚 𝐦𝐚𝐤 𝐫𝐞𝐥𝐚𝐭𝐚 𝐡𝐮𝐬𝐢 𝐬𝐞𝐤𝐫𝐞𝐭𝐚𝐫𝐢𝐚𝐝𝐮 𝐀𝐒𝐄𝐀𝐍 𝐛𝐚 𝐩𝐥𝐞𝐧𝐚𝐫𝐢𝐮 𝐤𝐚𝐭𝐚𝐤, 𝐓𝐢𝐦𝐨𝐫-𝐋𝐞𝐬𝐭𝐞 𝐩𝐫𝐞𝐩𝐚𝐫𝐚 𝐨𝐧𝐚 𝐧𝐨 𝐩𝐫𝐢𝐞𝐧x𝐞 𝐨𝐧𝐚 rekizitu  𝐧𝐮𝐧𝐞 𝐛𝐞𝐥𝐞 𝐭𝐚𝐦𝐚 𝐨𝐧𝐚 𝐡𝐚𝐧𝐞𝐬𝐚𝐧 𝐟𝐮𝐥𝐥 𝐦𝐞𝐦𝐛𝐞𝐫 𝐛𝐚 𝐀𝐒𝐄𝐀𝐍 𝐧𝐢𝐚𝐧, 𝐧𝐨 𝐤𝐮𝐚𝐳𝐞 𝐡𝐮𝐬𝐢 𝐧𝐚𝐬𝐚𝐮𝐧 𝐦𝐞𝐦𝐛𝐫𝐮 𝐀𝐒𝐄𝐀𝐍 𝐬𝐢𝐫𝐚 𝐝𝐞𝐤𝐥𝐚𝐫𝐚 𝐬𝐮𝐩𝐨𝐫𝐭𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐭𝐚𝐦𝐚 𝐛𝐚 𝐦𝐞𝐦𝐛𝐫𝐮 𝐩𝐥𝐞𝐧𝐮 𝐀𝐒𝐄𝐀𝐍,” Vise-PM Francisco Kalbuadi Lay hateten.

“𝐇𝐚’𝐮 𝐡𝐚𝐥𝐨 𝐢𝐧𝐭𝐞𝐫𝐯𝐞𝐧𝐬𝐚𝐮𝐧 𝐡𝐚𝐧𝐞𝐬𝐚𝐧 𝐌𝐢𝐧𝐢𝐬𝐭𝐫𝐮 𝐤𝐨𝐫𝐝𝐞𝐧𝐚𝐝ó𝐫 𝐛𝐚 𝐀𝐬𝐮𝐧𝐭𝐮 𝐄𝐤𝐨𝐧𝐨𝐦𝐢𝐤𝐮 𝐧𝐢𝐧𝐢𝐚 𝐡𝐚𝐭𝐨’𝐨 𝐩𝐫𝐞𝐩𝐚𝐫𝐚𝐬𝐚𝐮𝐧 𝐢𝐭𝐚 𝐧𝐢𝐚 𝐢𝐡𝐚 𝐩𝐢𝐥𝐚𝐫 𝐢𝐝𝐚 𝐧𝐞’𝐞𝐛é 𝐬𝐞𝐫𝐛𝐢𝐬𝐮 𝐡𝐚𝐦𝐮𝐭𝐮𝐤 𝐥𝐢𝐮-𝐥𝐢𝐮 𝐢𝐡𝐚 𝐤𝐚𝐩𝐚𝐬𝐢𝐭𝐚𝐬𝐚𝐮𝐧 𝐛𝐚 𝐫𝐞𝐤𝐮𝐫𝐬𝐮 𝐮𝐦𝐚𝐧𝐮 𝐧𝐨 𝐈𝐧𝐝𝐨𝐧é𝐳𝐢𝐚 𝐫𝐚𝐬𝐢𝐤 𝐢𝐧𝐤𝐥𝐮𝐢 𝐬𝐢𝐫𝐚 𝐬𝐞𝐥𝐮𝐤 𝐝𝐞𝐤𝐥𝐚𝐫𝐚 𝐤𝐚𝐭𝐚𝐤, 𝐬𝐢𝐫𝐚 𝐟ó 𝐧𝐚𝐟𝐚𝐭𝐢𝐧 𝐚𝐩𝐨𝐢𝐮 𝐥𝐚’𝐨𝐬 𝐩𝐨𝐥𝐢𝐭𝐢𝐤𝐚 𝐝𝐞’𝐢𝐭 𝐦𝐚𝐢𝐛é 𝐥𝐢𝐮-𝐥𝐢𝐮 𝐢𝐡𝐚 𝐩𝐚𝐫𝐭𝐞 𝐭𝐞𝐤𝐧𝐢𝐤𝐮 𝐛𝐚 𝐤𝐚𝐩𝐚𝐬𝐢𝐭𝐚𝐬𝐚𝐮𝐧 𝐫𝐞𝐤𝐮𝐫𝐬𝐮 𝐮𝐦𝐚𝐧𝐮.”

Primeiru-Ministru, Kay Rala Xanana Gusmão ho delegasaun sei to’o hikas iha Dili iha 28 fulan-Maiu tinan 2025.

Jornalista: Lazaro Pereira Quefi