Nasionál
Governu Sei Halo Pagamentu Bá Veteranu Ne’ebé Laiha Reklamasaun
Hatutan.com, (19 Juñu 2025), Díli-Ministru Asuntu Kombatente Libertasaun Nasionál (MACLN, sigla portugés), Gil da Costa Monteiro “Oan Soru” informa Governu sei halo pagamentu bá veteranu ne’ebé laiha reklamasaun iha tinan ne’e nia laran.
Lee Mós: PPN Husu Komisaun Independente MACLN-CCLN Halo Fiskalizasaun ba Lista Veteranu Rejistu 2009
Ministru Asuntu Kombatente Libertasaun Nasionál (MACLN, sigla portugés) Gil da Costa Monteiro “Oan Soru” . Foto/Dok
Ministru Gil “Oan Soru” hateten, tuir regra lista veteranu ne’ebé taka sai fali bá faze tuir mai sei presiza fulan-tolu tuir lei, nune’e fulan tolu ne’e sei hotu iha fulan-Juñu.
“Sei halo pagamentu, la signifika halo dala ida de’it, ida ne’ebé maka loos ona prosesu la’o, ida ne’ebe maka sala prosesu kontinua, sira ne’ebe laiha reklamasaun no kontextasaun reverifika fali tanba ne’e osan,” Ministrru Gil “Oan Soru” bá jornalista sira iha Palasiu Governu, Kuarta (18/06/2025).
Nia afirma lista reklamasaun ne’ebé mai husi Munisípiu hotu-hotu maka hamutuk 6001, nune’e la’ós atu rezolve iha halo loron ida ka rua nian laran, maibé pelemenus prosesu la’o hela.
Jornalista: Zita Menezes