Justisa & Krime
Tribunál Aplika Medida Koasaun Prizaun Preventiva Bá Arguidu MML Ne’ebé Deskonfia Oho Peregrina da Conceição Iha Jakart- II
Hatutan.com, (09 Jullu 2025), Díli– Tribunál Judisiál Primeira Instánsia Suai (TJPIS), Tersa (08/07/2025), aplika medida koasaun Prizaun Preventiva bá Arguidu MML ne’ebé deskonfia oho Peregrina da Conceição iha Jakarta-II, Munisípiu Ainaro.
Lee Mós: PNTL Detein Ona Suspeitu Oho Peregrina da Conceção Soe iha Jakarta 2
Polísia lori arguido MML partiispa iha primeira interrogatoriu iha TJPIS, Tersa (08/07/2025). Foto/TJPIS
Sita hosi pajinia ofisial Facebook Tribunál Judisiál Primeira Instánsia Suai relata, iha primeiru Interogatoriu iha Tribunal Judisiál Primeira Instánsia Suai no kontinua rona desizaun ba Primeiru Interogatoriu nian husi Juiza Patrícia de A.F. B. M. Xavier, aplika medida koasaun Prizaun Preventiva ba Arguidu depois kontinua ba investigasaun tuir mai.
Ba kazu ho tipu kazu Krime Omisídiu Agravadu iha Kódigu Penál 139 aliña f nia moldura penál sei hetan pena prizaun tinan 12 to’o tinan 25.
Juglamentu bá Primeiru Interogatoriu ne’e preside Juiza Patrícia Xavier, Ministériu Públiku reprezenta hosi Rafael Gusmão no arguido hetan asistensia legál Defensór públiku, Nelson Borges.
Jornalista: Marcelino Tomae