Ministru Justisa Sergio Hornai Prefere Desmantela Jogu Online Haat iha Dili Hodi Evita Online Scame

Hatutan.com, (16 Setembru 2025), Díli– Ministru Justisa Sérgio da Costa Hornai prefere desmantela uluk jogu online haat ne’ebé Governu liuhosi  Inspetór Jerál ba Jogu (IGJ, sigla portugés) legaliza atu evita pratika online scame ne’ebé sai preokupasaun publiku.

Lee Mós: Governu Fó Lisensa Ba Atividade Jogu Online Haat iha Timor-Leste

Empreza KAPSTAAD Unipessoal Lda ho nia parseiru TogoEuro Exim Gaming, ofisialmente lansa jogu online, Sábadu 24 fulan-Maiu 2025. Foto/Dok

Ministru Justisa Sérgio da Costa Hornai bá Hatutan.com  iha  Sentru  Konvensaun Dili (CCD-sigla portugés),  Tersa (16/09/2025), hateten parte  Ministériu Justisa  sei haree nafatin, katak   dala ruma  ema hotu  hanoin loke buat sira ne’e  ho intensaun ida di’ak  tuir  lei sira, maibé iha ema balun ne’ebé iha intensaun aat, iha mafia, sempre  hanoin iha laran hodi halo infiltrasaun iha  ne’ebá.

“Jogu  online haat ne’ebé eziste iha Díli laran  ita akompañia hela, maibé  Governu   tenke iha kbiit  atu sobre sai  hodi halo desmantela ka  hakotu jogu sira ne’e, atu identifika  hodi hakotu jogu sira ne’e atu nune’e la  bele akontese hanesan online scamming,” Ministru Justisa Sérgio da Costa Hornai hateten.

Governu liuhosi Inspetór Jerál ba Jogu (IGJ) fó lisensa ba atividade jogu online hitu, maibé  dadaun ne’e haat mak halo ona atividade iha Dili laran, mak hanesan kompaña ARL Kapstaad Unip.Lda, Frandes Doutel Unip.Lda, Amizade Sentru Online Lda, ho MJX Monjuxacar Lda.

Ministru Justisa Sérgio da Costa Hornai hatutan, parte Ministériu Justisa sempre halo koordenasaun  institusionál, la halo interferensia, maibé oinsá maka atu bele  tau orden públiku estudu  ninia  hodi ema hotu bele halo  atividade negósiu atu atividade emprezarial, maibé tenke  priénse rekizitu legál sira ne’ebé maka iha  atu kontribui bá sosiedade ne’ebé ho dinamiku  bele la’o ho ekonomia ida-ne’ebé evalui liu.

Nia haktuir, otél balun iha Díli laran mós  halibur kirme organizadu sira,  sidadaun hotu-hotu  iha Timor-Leste maka iha dever   hodi halo vijilansia, atu halakon atividade  ilegal sira, lori trankuilidade no pás bá iha seriedade tomak iha territóriu nasionál.

“Ita buka,  hanesan ita hotu hatene katak ita presiza halo vijilansia  la’ós iha polísia de’it,  maibé ita hotu  hahú kedas husi sidadaun sira ita nia dever atu kontribui bá ita nia Nasaun,  ita nia sosiedade bá iha situasaun  sira ne’ebé lori trankuilidade, lori pás,  labele lori asesu aktu sira  ne’ebé  la marese atu bele  moris iha ita nia sosiedade, entaun ida-ne’e ha’u  hanoin dever ida  ita halo,”  nia hateten.

Tuir nia hanoin, aperllu estadu tenke sobre sai dadauk para atu bele  hatudu sira ninia integridade, sira ninia  atuasaun hanesan órgaun  Estadu nian bá iha  hahalok  sira ne’ebé fora husi  tramite sira ka fora husi  komportamentu sira ne’ebé   bá iha interese ema barak ninian.

Nia haktuir , iha mós Informasaun bá kirme transnasionál, sempre mai husi hanesan ajénsia internasionál, ajensia multilateral ninian  iha rejionál

“Informasaun sira ne’e, ha’u hanoin  ita boot sira hatene mai husi Ajénsia sira ne’ebé, hanesan ajénsia internasionál, ajénsia multilateral  nian  iha rejionál inian sempre hasai  Informasaun sira ne’ebé maka iha,” nia afirma.

Nia haktuir kirme transnasionál ho kirme organizau,  hanesan informasaun ida-ne’ebé maka iha resentimente. Tanba ne’e    iha servisu balun ne’ebé  halo iha servisu nasionál  Polísia  Sientífiku Investigasaun Kriminál (PCIC) halo iha Oé-cusse, haree mós iha  membru Governante balun  ne’ebé iha interese hodi halo atividade balun iha ne’ebá, hanesan jogu online scamming centre.

Nia dehan, kazu Oé- PCIC  sei halo haklean sira ninia  investigasaun sira tanba iha  informasaun balun ne’ebé iha katak jogu ne’e hanesan mós bele envolve kirme transnasionál.

“Ha’u rasik mós sei ko’alia hamutuk  ita nia ninia organizasaun rai laran  bá iha internu koordenasaun institusionál  la haree bá iha méritu bá kauza, maibé haree  mós bá iha koordenasaun institusionál  hodi hatene informasaun  ida kle’an relativamente  bá iha asuntu ne’ebé investigasaun kriminalidade la’o dadauk,” Sergio Hornai hateten.

Tuir nia  hanoin katak estudu  Timor-Leste  prontu iha  intermu sira  bá  instrumentu juridiku sira, aparelu sira, parseria ho komunidade internasionál hanesan INTERPOL,  atu halo servisu hamutuk nune’e  bele halo prevensaun bá aktu sira ne’ebé  tama iha kirme organizadu.

“Daudaun ne’e iha medida balun iha prova inisia balun ne’ebé hato’o  dadauk husi sidadaun balun  iha Oé-Cusse katak iha atividade  ilisitu bá irregularidade ruma  iha fatin refere, entaun polísia halo hela  hanesan orgaun polísia Kriminál  nia sobre sai hanesan investigador, buka hela informasaun sira  liga ho situasaun sira ne’ebé maka agora dadaun,” nia tenik.

Liga ho informasaun kona-bá  Jogu online scame  ne’ebé maka  la’o,  tuir nia katak  konserteza hanesan estadu, Ministériu Justisa   iha parseria ida ho  Nasoins Unidas, organizasaun sira hanesan  ajénsia internasionál  ninian buka atu halo melloramentu,  atu nune’e, situasaun hanesan jogu online scame Center labele akontese,  atu nune’e la bele tau kauza  prestiju hanesan estadu soberania ida ke estadu direitu  atu bele konsulida institusaun  sira hotu bá iha trankuilidade  no mós orgaun Públiku estadu ninian.

Lee Mós: Empreza KAPSTAAD Ho Nia Parseiru TogoEuro Exim Gaming Lansa Jogu Online

Jornalista: Marcelino Tomae