PM Xanana Lamenta Tribunál Hasai Mandadu Buska no Detesaun Ba Reitór UNTL Cs

Hatutan.com, (15 Janeiru 2026), Díli- Primeiru-Ministru (PM), Kay Rala Xanana Gusmão, lamenta ho desizaun Tribunál Judisiál Primeira Instánsia Díli (TJPID) ne’ebé hasai notifikasaun hodi orienta Polísia Nasionál Timor-Leste (PNTL) halo buska, apreensaun no detensaun ba reitór Universidade Nasionál Timor-Lorosa’e (UNTL) ho inisiál JM hamutku h onia vise-reitór no kargu xefia na’in-haat seluk tan.

Lee Mós: PNTL Detein Reitór ho Vise-Reitór, Inklui Dirijente Na’in-Haat Seluk Tan iha UNTL

Polísia akompaña Reitór UNTL ho inisiál JM ho nia kargu xefia na’in-lima seluk ba Tribunál hodi partiispa primeira interrogatóriu, Kinta (15/01/2026). Foto/Juvinal Cabral dos Santos

Primeiru-Ministru Kay Rala Xanana Gusmão nia lamentasaun ne’e hato’o ona mós ba Prezidente Repúblika (PR), José Ramos-Horta, Kinta (15/01/2026), nune’e Governu no Prezidente Repúblika hanoin ida atu seriu iha reforma justisa Timor-Leste nian.   

Iha Tersa, 13 fulan-Janeiru  tinan 2026, Polísia Nasionál Timor-Leste (PNTL) liuhusi Diresaun Servisu Investigasaun Kriminál Nasionál ezekuta mandadu TJPID ho NUC: 086/25-PNSIK hodi halo buska, apreensaun no detensaun ba Reitór UNTL ho inisiál JM no Vise-Reitór,  inklui kargu xefia na’in-haat seluk tanba deskonfia envolve iha kazu abuzu poder no partisipasaun ekonomia.

“Ha’u informa ba Prezidente Republika (PR)  kona-bá akontesementu desizaun Tribunál nian hodi halo buska, apreensaun no detensaun to’o tau alzema ba reitór UNTL foin fila husi Kupaun-Indonézia. Liuhosi Konsellu Ministru mós sente la simu tanba justisa halo buat sira ne’e la iha liu konsiderasaun. Kazu mosu iha UNTL ne’e tinan rua kotuk ba ne’e ba tiha ona Tribunál,” Xanana hateten ba jornalista sira.

Xanana afirma desizaun ne’e oinsá seidauk hatene tan buat ida,  maibé mandadu notifikasuan ne’e atu informa ba sira (reitór UNTL Cs) katak loron rua ka tolu nia laran tenke ba aprezenta an ho dokumentu iha Ministériu Públiku (MP). Ne’e mandadu ida ba entrega ba ema la’ós ba kaer alzelma fali, ita atu bulak tiha de’it.

Jornalista: Juvinal Cabral dos Santos