PM Xanana Garante Kombustível La Falta Ba Povu

Hatutan.com, (19 Marsu  2026), Díli– Primeiru-Ministru (PM), Kay Rala Xanana Gusmão, garante Governu sei esforsu hodi garante kombustível  no produsaun hahan  la falta ba povu iha periodu funu ne’ebé akomtese iha médiu oriente entre  Estadus Unidus Amérika-Israel ho Iraun.

Lee Mós: Governu Sei Foti Medida Nesesáriu Hodi Estabiliza Folin Kombustível

Atividade Estasaun Kombustível balun iha Díli. Foto/Dok. Hatutan.com

“Kona-bá presu kombustível sa’e mais la’ós sa’e ida aas liu, maibé ita akompañia karik funu iha médiu oriente ita la hatene bainhira mak hotu kala sei sa’e tán. Tanba ne’e, Konsellu Ministru mós ho Ministériu Petroleu no Rekursu Minerál (MPRM)  hamutuk ho importadór kombustível sira haree nafatin no estuda nafatin, oinsá mak ita tenke garante to’o fim do ano la falta kombustível,” PM Xanana Gusmão informa ba jornalista sira iha Palásiu Prezidensiál, Kinta (19/03/2026).

Xefe Governu  afirma,  kuandu temi dehan la falta kombustível la’ós de’it mai Timor-Leste, fatin barak sei hetan ne’ebé dehan karik sei hadau malu ne’ebé Governu sei garante katak sei la falta la signifiká katak iha garantia tomak.

“Kombustível ne’ebé ita gasta agora ne’e ba to’o iha ne’ebá mais pelemenus sei la falta. Ohin, loron motór-karreta barak loos, ita sei aviza ba sosiédade tomak redús daudauk ona, tanba lae ita bele hetan mina to’o tinan rua mós fulan-tolu haat la’o ba la’o mai halimar de’it ne’e mina sei hotu,” Xanana hateten.

Jornalista: Zita Menezes