BNCTL Halo Pagamentu iha Uma De’it Ba Idozu Sira Ne’ebé Saúde La Permite

Hatutan.com, (26 Marsu 2026) Díli– Prezidente Konsellu Administrasaun Banku Nasionál Komersiu  Timor-Leste (BNCTL), Januário da Gama, konfirma katak pagamentu direta ba uma idozu sira ne’ebé saúde la permite.

Benefisiariu ba Programa Agregadu Familiár forma simu subsidiu iha BNCTL. Foto/Dok.EPA-ANTONIO DASIPARU

Medida ida-ne’e bazeia ba akordu ne’ebé estabelese ona entre Ministériu Solidariedade Sosiál no Inkluzaun (MSSI) ho BNCTL.

“Pagamentu idozu ne’e reflete ba akordu mutua entre BNCTL ho MSSI portantu kada fulan tolu tenke halo pagamentu, maibé iha kondisaun balu,” Januário da Gama inform aba jornalista sira iha  Parlamentu Nasionál, Kinta (26/03/2026).

Nia esplika  ba idozu sira ne’ebé kondisaun moras ka labele mai direita iha suku hodi simu direitu, hanesan mós kontinua akordu ne’ebé iha depois pagamentu hotu kompleta tuir kalendariu ekipa hosi INSS no hosi BNCTL sira mak sei vizita atu halo pagamentu iha uma de’it.

“Ami hakarak atu informa ba benefisiariu sira, liu-liu ferik-katuas sira, ne’ebé iha direitu atu simu ida-ne’e, la bele obriga kuandu ita-nia benefisiariu ruma inan-aman sira kondisaun moras la bele obriga atu lori mai iha suku atu simu, tanba sira-nia tempu atu atende ne’e iha ona akordu nia laran no naturalmente tékniku hosi BNCTL no MSSI sei halo atendementu depois orariu normal,” Prezidente Konsellu Administrasaun BNCTL Januário da Gama hateten.

Iha akordu BCTL ho MSSI estipula kondisaun  bolu dehan preferemente kliente sira, benefisiariu sira, sira bele iha mós ATM, alende sira lori sira-nia konta bankaria atu halo pagamentu tuir orariu estabele no sira iha ona ATM naturalmente la presiza  ba forma iha suku atu simu sira-nia direitu.

Tuir kalendariu fó sai hosi BNCTL prestasaun serbisu ba idozu sira no ema ho difisiénsia iha faze dahuluk iha tinan 2026 ne’e fó sai ona katak iha rejiaun leste, rai klaran no oeste  hahú pagamentu iha fulan-Marsu no remata iha fulan-Abríl 2026.

Jornalista: Zita Menezes