Kazu Pendente Iha Tribunál Maioria Violénsia Doméstika ho Korrupsaun

Hatutan.com, (21 Maiu 2026), Díli– Kazu pendente  sira iha Tribunál Rekursu hamutuk 76 no Tribunál Judisiál Primeira Instánsia Díli, Baucau, Oé-cuse,  hamutuk 4,300 resin  ho  natureza  violénsia doméstika no korrupsaun.

PR José Ramos-Horta ho PTR Afonso Carmona ofisializa ezistensia Supremu Tribunál Rekursu (STJ) iha antigu edifisiu TDD. Foto/Marcelino Tomae

Prezidente Afonso Carmona  hatete  bá Jornalista sira hafoin remata vizita kortezia ba instalasaun Supermu  Tribunál  Justisa, Díli, Kinta (21/05/2026), konfirma kazu pendente ne’e  atu Supermu Tribunál Justisa ejiste, tanba ne’e  tenke ko’alia ho faktu ruma,  sei problema laiha harii supermu  atu halo saída,  maibé kazu pendente ne’e la’ós atu  taka  ona, juis sira sei kaer hela prosesu seidauk iha desizaun finál.

“Kazu pendente iha Tribunál Rekursu hamutuk 76, no iha Tribunál Primeira Instánsia haat, mak hanesan Díli, Baucau, Suai no Oé-Cusse, total kazu pendente hamutuk 4,300 maka sei ejize to’o fulan-Maiu ne’e,”  PTR Afonso Carmona hateten.

Nia hatutan, diskusaun kona-bá kria Supremu Tribunál Justisa tenke bazeia bá faktu no realidade iha setór justisa,  katak problema prinsipál la’ós de’it falta Supremu Tribunál, maibé tanba kazu pendente sira sei akumula hela no juiz sira sei kaer prosesu ne’ebé seidauk remata.

Nia afirma, maioria husi kazu hirak ne’e maka kazu violénsia doméstika no mós kazu korrupsaun, sei ejiste  no pendente hela iha tribunál.

Nia dehan, kazu violénsia doméstika envolve krime oioin hanesan ofensa simples, maus-tratus no omisídiu, ne’ebé kontribui ba númeru kazu aas iha tribunál sira. Kazu korrupsaun mós tama iha lista kazu pendente 4,300 resin  ne’e.

“Tanba ne’e maka kazu violénsia doméstika aas tebes, no mós kazu korrupsaun tama iha lista kazu pendente hirak ne’e,” nia konklui.

Jornalista: Marcelino Tomae