Justisa & Krime
Breaking News: Mari Alkatiri Presta Deklarasaun iha MP Kona-bá Kazu Ró Haksolok
Hatutan.com, (25 Maiu 2o26) Díli– Eis-Primeiru Ministru no Eis-Prezidente Autoridade Rejiaun Administrativu Espesiál Oé-cuse Ambeno (RAEOA), Mari Bin Amude Alkatiri, Segunda (25/05/2026), marka prezensa iha Ministériu Públiku hodi presta deklarasaun kona-bá alegasaun korrupsaun, fraude fiskal, abuzu poder ho administrasaun danóza relativa ho kazu Ró Haksolok.
Lee Mós: Kazu Ró Haksolok La Komplikadu Ona no Sei Lori ba Tribunál
Eis-PM Mari Alkatiri presta deklarasaun iha MP relativa ho kazu Ró Haksolok, Segunda 25 Maiu 2025. Foto/Marcelino Tomae
Tuir karta notifikasaun ne’ebé Hatutan.com asesa katak atuál Sekretáriu Jerál Partidu FRETILIN, Mari Alkatiri simu karta notifikasaun ho Numéru Uniku Krime (NUC) 0036/25.PGGCC.
Obserasaun Hatutan.com iha resintu Ministériu Públiku, Colmera, Díli, fundadór RDTL Mari Alkatiri to’o Ministériu Públiku tuku 09:36 Otl ho karreta Privadu númeru matrikula A-21-208 TL, no mós karreta EX-PM – MA akompaña ho nia eskoltu no mós pesoál gabinete eis titular na’in-rua.
Eis-PM Alktiri diretamente ba presta deklarasaun no partisipa iha inkéritu ho Prokuradór titulár Matias Soares.
Jornalista: Marcelino Tomae