Raul Lemos Hato’o Sentidu Triste Kle’an Ba Eis-Prezidente Repúblika Francisco Guterres Lú-Olo Nia Mate

Hatutan,com, (22 Juñu 2026), Díli– Diretór ezekutivu empreza ATRAMOR SUCCESSO UNIPESSOAL LDA  no na’in ba mídia Hatutan.com, Raul Lemos hamutuk ho nia kaben Krisdayanti no família rasik,  ho laran trsite tebes hato’o sentidu kondolénsia profundu ba Sra. Cidalia Nobre, oan sira no família enlutada, ba falesimentu eis-Prezidente Repúblika, Francisco Guterres “Lú-Olo”.

Lee Mós: Ramos-Horta Hato’o Sentidu Kondolénsia no Garantia Onra Estadu Bá Patriota Lú-Olo

Imajen memoria família Raul Lemos ho família maktoban Francisco Guterres “Lú-Olo”.

Iha nota ida ne’ebé Raul Lemos públika iha nia konta Facebook ofisiál, Raul Lemos ho família  reja ba maktoban Francisco Guterres “Lú-Olo” atu Nai Maromak haraik fatin diak ba prezidente partidu FRETILIN, Francisco Guterres “Lú-Olo” iha Nai Kadunan Santu.

“Obrigadu ba sakrifisiu, dedikasaun no domin ne’ebé halo ona ba povu no rai doben Timor-Leste. Ita-boot nia kontribuisaun ba luta libertasaun, ba konsolidasaun demokrasia no ba dezenvolvimentu nasaun sei hela nafatin iha istória Timor-Leste no iha  povu Timoroan tomak nia laran. Deskansa iha dame, S.E. Dr. Francisco Guterres “Lú-Olo”. Adeus, erói rezisténsia no líder nasaun. Memória ita-boot sei moris nafatin iha jerasaun ba jerasaun sira tuir mai,” Raul Lemos  haktuir.   

Maktoban Lú-Olo hamutuk ho figura istóriku sira seluk hala’o knaar nu’udar prezidente hosi partidu FRETILIN, prezidente hosi Asembleia Konstituente, prezidente dahuluk hosi Parlamentu Nasional no prezidente Prezidente Repúblika ba dala-neen nian.

Prezidente Asembleia Konstituente Francisco Guterres “Lú-Olo” hakotu iis iha Domingu-kalan (21/6/2026),  iha ospitál Prince Court,  Kuala Lumpur, Malázia.

Jornalista: Marcelino Tomae