Nasionál
Hatutan.com Presta Omenajen Ba Lider Nasionál Saudozu Francisco Guterres “Lú-Olo”
Hatutan.com, (25 Juñu 2026) Díli-Família redasaun mídia online Hatutan.com, presta omenajen ikus ba Saudozu eis-Prezidente Repúblika, Francisco Guterres “Lú-Olo” iha saudozu nia rezidénsia iha Farol, Díli, Kinta (25/06/2026).
Lee Mós: PNTL Garante Seguransa Másimu Ba Serimónia Funerál Saudozu Francisco Guterres “Lú-Olo”
Jornalista Hatutan.com presta omenajen ba Saudozu Francisco Guterres “Lú-Olo, Kinta (25/06/2026).
Tuir sekuénsia ne’ebé fó sai husi komisaun organizadora husi Governu, Komite Sentral FRETILIN (CCF) ho Família, destaka oráriu mídia Hatutan.com nia tempu presta omenajen ikus ba Saudozu lider nasionál Francisco Guterres “Lú-Olo” Kinta-feira, tuku 09:40-09:45 dadeer Otl iha rezidénsia Farol.
Estrutura no jornalista sira husi husi Hatutan.com marka prezensa sedu iha rezidénsia saudozu Francisco Guterres Lú-Olo hodi fó ondra no omenajen ba lider nasionál ne’ebé hakotu iis ho tinan 71 iha Ospitál Prince Court, Kuala Lumpur, Malázia, Domingu 21 Júnu 2026.
Tuir oráriu ne’ebé komisaun organizadora determina, Hatutan.com presta omenajen iha tuku 09:40 Otl dader hu durasaun tempu minutu lima (5).
Iha rezidénsia Farol, ema hotu-hotu ho triste, balun tanis, hananu knananuk requem no halo orasaun hodi hakat ba saudozu nia kaisaun fó omenajen ikus.
Povu, veteran sira, joventude, estudante no lider nasionál sira konitnua tama-sai presta omenajen ba prezidente Asembleia Konstituente no eis-Prezidente Parlamentu Nasionál Francisco Guterres “Lú-Olo no fó liafuan ikus “Obrigadu Maun Bo’ot Saudozu Lu Olo”.
Família jornalista sira husi Hatutan.com tau-liman ba fuan, fo omenajen ho silénsiu respeitu. Iha forma nia laran jornalista sira mós hakerek nota kona-bá saudozu Lú-Olo nia istória luta, umildade no serbisu ba nasaun sei hela iha memória jornalista sira no povu nian.
Hafoin Hatutan.com presta omenajen grupu organizasaun seluk kontinua tuir sekuénsia ne’ebé komisaun fó sai, hodi asegura povu hotu iha oportunidade presta omenajen ba Lider eroi Nasionál Francisco Guterres Lú-Olo.
Sekuénsia Serimónia Funerál Sudozu Francisco Guterres “Lú-Olo”
|
Nú. |
Sekuénsia |
Oras (OTL) |
Fatin |
|
1 |
Dezlokasaun husi Rezedénsia ba CCF |
7:30-7:40 |
Farol-Comoro |
|
2 |
Dezlokasaun husi CCF mai Kuertel Jenerál F-FDTL |
8:45-8:50 |
Comoro-Fatuhada |
|
3 |
Dezlokasaun husi Kuartel Jenerál F-FDTL mai Palásiu Prezidensiál |
9:00-9:05 |
Fatuhada-Aitarak Laran |
|
4 |
Dezlokasaun husi Palásiu Prezidensiál mai Igreja Katedrál Díli |
9:15-9:30 |
Aitarak Laran-Vila Verde |
|
5 |
Misa Requem |
10:00-11:30 |
Katedrál Díli |
|
6 |
Dezlokasaun husi Katedrál Díli mai Parlamentu Nasionál |
11:45-12:00 |
Vila-Verde-Parlamentu Nasionál |
|
7 |
Dezlokasaun husi PN ba Jardin Eroi Metinaro |
12:45-13:45 |
Jardin Eroi Metinaro |
|
8 |
Serimónia Funerál |
13:45 ate termina |
Jardin Eroi Metinaro |
Responsavel ka komisaun organizadora ba sekuésia serimónia funerál Saudozu Francisco Guterres “Lú-Olo”, kompostu husi Ministériu Negosiu Estranjeiru no Kooperasaun (MNEK), Ministèriu Antigu Kombatente no Libertasaun Nasionál (MAKLN), Ministériu Administrasaun Estatál (MAE), Konsellu Kombatente Libertasaun Nasionál (CCLN, sigla portugés) ho partidu FRETILIN. Jornalista: Juvinal Cabral dos Santos