Defeza & Seguransa
PNTL Garante Seguransa Másimu Ba Serimónia Funerál Saudozu Francisco Guterres “Lú-Olo”
Hatutan.com, (24 Juñu 2026)- Komandu Jerál Polísia Nasionál Timor-Leste (PNTL) hahú halo preparasaun seguransa ba prosesu funerál Saudozu Francisco Guterres “Lú-Olo”.
Lee Mós: Lia-Menon Lú-Olo Ba SG FRETILIN: Ita-Rua Enkuantu Hamutuk, Ita Hamutuk Servisu,”
Maktoban Francisco Guterres “Lú-Olo”. Foto/Média GPR
“Planu preparasaun ba seguransa atu ba haloot ita-nia Saudozu Francisco Guterres Lú-Olo, ami simu ona orientasaun husi Komandu Jerál atu halo planu operasaun, koloka membru Tránzitu no mós membru PNTL balun iha dalan-dalan hodi apoiu to’o funerál remata,” Komandante Operasaun Polísia Nasionál Timor-Leste (PNTL) Munisípiu Díli, Superintendente Asistente Polísia Luis Amaral informa ba jornalista iha rezidénsia Saudozu Francisco Guterres Lú-Olo iha Farol, Kuarta (24/06/2026).
Tuir planu polísia sei koloka seguransa ba fatin ne’ebé saudozu atu vizita ba mak hanesan Komité Sentrál FRETILIN (CCF-sigla portugés), Kuartel-Jenerál FALINTIL-Forsa Defeza Timor-Leste (F-FDTL), Palásiu Prezidente, Parlamentu Nasionál (PN) no missa requem iha Igreja Katedrál Díli no ikus liu ba haloot saudozu iha Jardín dos Herois Metinaro.
Komadante operasaun Polísia Munisípiu Díli afirma, Komandu PNTL sei halo kolokasaun ba efetivu tomak no hetan mós apoiu husi Unidade Espesiál Polísia (UEP), Unidade Polísia Marítima (UPM), Unidade Patrollamentu Fronteira (UPF) no mós apoiu husi FALINTIL-Forsa Defeza Timor-Leste (F-FDTL).
“Husu ba komunidade sira evita liuhusi dalan ne’ebé mak autoridade seguransa sei taka, ita tenke fó sentidu kondolénsia no respeitu ba ita-nia eroi nasionál atu prosesu hotu kona-bá serimónia funebre iha la’o ho di’ak no hakmatek,” Superientendente Asistente Polísia Luis Amaral informa.
Sekuénsia Serimónia Funerál Sudozu Francisco Guterres “Lú-Olo”
|
Nú. |
Sekuénsia |
Oras (OTL) |
Fatin |
|
1 |
Dezlokasaun husi Rezedénsia ba CCF |
7:30-7:40 |
Farol-Comoro |
|
2 |
Dezlokasaun husi CCF mai Kuertel Jenerál F-FDTL |
8:45-8:50 |
Comoro-Fatuhada |
|
3 |
Dezlokasaun husi Kuartel Jenerál F-FDTL mai Palásiu Prezidensiál |
9:00-9:05 |
Fatuhada-Aitarak Laran |
|
4 |
Dezlokasaun husi Palásiu Prezidensiál mai Igreja Katedrál Díli |
9:15-9:30 |
Aitarak Laran-Vila Verde |
|
5 |
Misa Requem |
10:00-11:30 |
Katedrál Díli |
|
6 |
Dezlokasaun husi Katedrál Díli mai Parlamentu Nasionál |
11:45-12:00 |
Vila-Verde-Parlamentu Nasionál |
|
7 |
Dezlokasaun husi PN ba Jardin Eroi Metinaro |
12:45-13:45 |
Jardin Eroi Metinaro |
|
8 |
Serimónia Funerál |
13:45 ate termina |
Jardin Eroi Metinaro |
Responsavel ka komisaun organizadora ba sekuésia serimónia funerál Saudozu Francisco Guterres “Lú-Olo”, kompostu husi Ministériu Negosiu Estranjeiru no Kooperasaun (MNEK), Ministèriu Antigu Kombatente no Libertasaun Nasionál (MAKLN), Ministériu Administrasaun Estatál (MAE), Konsellu Kombatente Libertasaun Nasionál (CCLN, sigla portugés) ho partidu FRETILIN.
Jornalista: Juvinal Cabral dos Santos
Defeza & Seguransa
PM Xanana Observa Direta Atuasaun PCIC Desmantela Scam Call Centre iha City-8 no Kaer Mós Xinés 18 iha Kuluhun
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
