Arguidu Na’in-29 bá Kazu Scam Call Centre Manleuana Submete bá Interogasaun Dahuluk iha TJPID

Hatutan.com, (11 Jullu 2026), Díli–  Arguidu  na’in-29 bá atividade ilísitu scam call centre iha Maneluana, Sábadu (11/07/2026), submete ba interogasaun dahuluk iha Tribunál Judisiál Primeira Instánsia Díli (TJPID).

Lee Mós: Lutu Nasaun Kuak Ona, Krime Transnasional Buras iha Timor-Leste

Arguidu sira kazu scam call centre Menlauana submete ba interogasaun dahuluk iha TJPID, Sábadu (11/07/2026). Foto/Marcelino Tomae

Observasaun Hatutan.com iha resintu TJPID hatudu katak Polísia Nasionál Timor-Leste (PNTL) liu-husi Diresaun Servisu Investigasaun Kriminál lori arguidu na’in 29  bá kazu ilísitu scam call centre ne’ebé Manleuana hodi submete ba interogasaun dahluk ho prosesu tuir NUC : 0240/26.PNSIC.

Regra prosesuál iha tribunál  bababin molok hahú primeiru interrogatóriu, tribunal hala’o uluk prosesu identifikasaun arguidu sira , hodi konfirma sira-nia identidade.

Ministeriu  Públiku ne’ebé reprezenta husi  Prokuradór Domingos Goveia,  promove  krime haat ba arguidu sira ne’e mak asosiasaun kriminozu, brankeamentu kapitáis, burla informátika,  jogu ilísitiu.

Prosesu interogasaun dahuluk iha TJPID ne’e prezide  husi Juiz José Gonçalves,  Ministériu Públiku reprezenta husi Prokuradór Domingos Goveia no arguidu na’in-29 hetan asisténsia legál husi Advogadu Pedro Camões, no   Defensor Públiku.

Iha Kuarta, 08 Jullu 2026, hale’u tuku 11:00 Otl,  servisu Migrasaun no autoridade seguransa polísia sira tama  rezidensia ida iha Manleuana, hodi asegura sidadaun estranjeiru na’in-29 (feto na’in-tolu no mane na’in-26) ne’ebé hala’o hela atividade jogu online ilegál.

Jornalista: Marcelino Tomae