Kazu Scam Call Centre Metiaut, Tribunál Muda Despaixu bá Proibisaun Aujénsia no Kausaun US$3000

Hatutan.com, (12 Jullu 2026) Díli–Tribunál Judisiál Primeira Instánsia Díli (TJPID), Domingu (12/06/2026), muda despaixu iha kazu scam call centre iha Metiaut, ne’ebé envolve arguidu na’in-27 bá medida proibisaun aujénsia ho médida kausaun US$3000.

Lee Mós: Kazu Scam Call Centre Metiaut, Tribunál Aplika Medida Tolu bá Arguidu Na’in-27

Arguidu sira kazu scam call centre ne’ebé kaptura iha área Metiaut, Díli. Foto/Juvinal Cabral dos Santos

Iha Sabádu (11/07/2026), Tribunál aplika medida koasaun sira ne’ebé kompostu husi prebuisaun auzénsia, aprezentasaun periódika no kausaun ho montante US$2000 ba kada arguidu. Maibé,  Domingu (12/07/2026), Tribunál ne’ebé lidera husi Juís José Maria komunika bá advogadu sira katak despaxu refere muda tiha, nune’e  hasai medida aprezentasaun periódika, mantein proibuisaun auzénsia no  montante kausaun husi US$2000 ba US$3000 bá kada arguidu ne’ebé total na’in-27.

Iha audénsia juglamentu primeira interrogatóriu ne’e, Ministériu Públiku (MP) reprezenta husi Prokuradór Rafael Gusmão, solisita bá  juiz turnu José Maria, atu aplika proibuisaun aujénsia, no médida kautelár kausaun (cautelar de caução)  kada arguidu aplika koasaun US$2500.

Iha  Kinta,  09 Jullu 2026, Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK) desmantela atividade ilísitu scam call centre iha Metiaut, Díli.

Husi operasaun buska no apreensaun ne’e, PNTL halo kapturasaun ba sidadaun estranjeiru ho nasionalidade Xina na’in-20 no deskonfia na’in-19 halai sai tiha bainhira haree ekipa konjunta PNTL to’o iha lokál operasaun.

Jornalista: Marcelino Tomae