Breaking News: Autoridade Timor-Leste kaptura WNI ida lori droga

Hatutan.com, (12 Setembru 2026), Díli-Autoridade Timor-Leste nian, kompostu husi Polísia Sientífika  Investigasaun Kriminál (PCIC, sigla porugés) ho  Servisu Nasionál Intelijénsia (SNI) kaptura no detén sidadaun Indonézia (WNI/warga negara Indonesia) ida ho inisiál  WJ ne’ebé suspeita  lori droga ho tipu sabu-sabu no ekstasi  hamutuk grama 98,0162 tama teritóriu nasionál Timor-Leste.

Droga ne’ebé autoridade Timor-Leste rekolla husi suspeitu ho inisiál WJ. Foto/Hatutan.com

Tuir  informasaun ne’ebé Hatutan.com simu husi pesoál Servisu Informasaun Sekreta hateten, autoridade Timor-Leste simu informasaun husi autpridade Indonézia katak WNI ho insiál WJ ne’e tama mai Timor-Leste iha loron 28 Agostu 2026 lori droga ho tipu oioin.

PCIC submete kedas pedidu formal ba Minitériu Públiku  hodi hatutan ba Tribunál  hasia  mandatu detensaun. Nune’e,   iha loron  tuir mai, (29 Agostu 2026),  PCIC  halo operasaun  hodi rekolla objetu  sira ne’ebé suspeitu ho inisiál WJ lori.

Prova sira mak autpridade sira foti husi suspeitu ho nasionalidade Indonézia ne’e nia liman mak droga ho tipu sabu-sabu ho kuantidade grama-93,9367 no ekstasi grama 4,0795,  ho totál droga ne’ebé autoridade sira fiksa hamutuk grama-98,0162. (*)