Balu gava aan loron ida han dala-10 maibé povu nia bikan sei mamuk no dapur la funsiona

Reportajen: Felix Fernandes

 Hatutan.com, (26  Setembru 2026) Díli-Sekretáriu Jeral partidu FRETILIN, Mari Alkatiri hateten, restaurasaun independénsia Timor-Leste nian bad ala-24 ona, maibé povu sei ki’ak no mukit.

Sekretáriu Jerál FRETILIN, Mari Alkatiri hamutuk ho membru CCF Lere Anan Timur foto hamutuk ho reprezentante OJP-CNRT iha ámbitu konferénsia juventude FRETILIN iha CCD, Sesta (25/09/2026). Foto/OJP-CNRT

“Balun gava aan loron ida han dala-10 maibé la sente katak povu nia bikan sei mamuk no povu nia sanan sei doko halo kleuk no dapur la funsiona,” Fundadór RDTL ne’e hateten iha nia intervensaun  iha konferénsia joventude FRETILIN  iha Sentru Konvensaun Díli (CCD),  Sesta (25/09/2026).

Alkatiri arepzenta nia preokupasaun hodi dehan,  “tanbasá liu ona tinan 24, maibé ita nia povu sei halerik no mukit rabat rai, maibé balu gava  ita  loron ida bele han  dala-10, ha’u hanoin bele gava an ba, maibé se ita-boot bele han dala-10 kada loron primeiru ita boot sei moras, maibé ha’u husu de’it ita-boot nia bikan nakonu maibé povu nia bikan sei mamuk, povu nia sanan doko halo kleuk no dapur la funsiona”.

Mari Alkatiri hatutan tan katak, FRETILIN sei la hein  to’o povu nia bikan   doku, maibé  FRETILIN tenki iha kapasidade no konsensia, kritika nafatin maibé la’ós tempu ona atu tuda fatuk iha li’ur, maibé tempu to’oona atu hamutuk hada fatuk hamutuk.

“Ita labele hein tan to’o povu nia bikan doku.  FRETILIN tenki iha kapasidade, ha’u atu dehan konsensia kritika iha nafatin mais la’ós tempu ona atu tuda fatuk   husi li’ur, tempu ona atu hamutuk, tempu ona atu hadia fatuk hamutuk, labele mai ho narativa oioin tau fali ístoria ne’e ulun-tun, ain-sae to’o ona tempu atu hadi’a fatuk hamutuk,” Mari Alkatiri, preidente interinu FRETILIN afirma.

Nia hateten, joventude FRETILIN sira, FRETILIN mais unida, mais quesa no kapasidade sentidu de misaun, misaun  ba futuru hateke ba oin no valoriza saida mak liu ona ba kotuk, maibé hateke ba oin tanba futuru iha joventude sira nia liman. (*)