PCIC rejista kazu tráfiku umanu rua

Reportajen: Felix Fernandes

 Hatutan.com, (28 setembru 2026), Díli–Hahú husi  Janeiru to’o Setembru, tinan ne’e,  Polísia SientífikuInvestigasaun Kriminál (PCIC) rejista kazu tráfiku umanu rua ne’ebé daudaun ne’e iha hela investigasaun.

Portavós PCIC, Francisco A. Tavares.

“Kazu tráfiku umanu rua ne’e iha hela ivestigasaun,”  portavós PCIC, Francisco A. Tavares, informa ba jornalista sira iha edifísiu PCIC, Segunda (28/09/2026).

Nia relata katak kona-bá kazu droga, aliende kazu rua ne’ebé  mak Domingu -ne’e, SNI ho PCIC halo atuasaun no kapturasaun, iha mós kazu anterior ne’ebé órgaun polísia kriminal Polísia Nasionál Timor-Leste (PNTL) ho  PCIC prosede hela ezame komplementar hodi konfirma konteudu materia husi droga ne’e tama iha tabela ida ne’ebé.

Nia esplika dala ruma iha teste rapidu primeiru nia rezultadu hatudu Kokaina depois halo teste komplementar hodi hatene lolos nia rezultadu ne’e kokaina duni ka lae.

“Dalaruma ita halo Teste rapidu iha primeiru ne’e hatudu Kokaina depois halo teste komplem atu hatene duni hanesan ne’e nia konteudu ne’e Kokaina duni  ka lae  ou keta iha konteudu sira seluk tuir tabela ne’ebé mak establese iha lei, entaun halo teste komplementar mak sei hatudu nia reszltadu nia tama iha kokaina ka nia tama iha kodaina,” Francisco Tavares hateten. (*)