Estudante ne’ebé konkore ba ezame nasionál tenki iha dukumentu kompletu

Jornalista: Felix Fernandes

 Hatutan.com, (07 outubru 2026) Díli—Estudante husi Nivel Ensinu Baziku no Ensinu Sekundáriu ne’ebé  atu konkore ba ezame nasionál  ba     tinan letivu 2026 ne’ebé  sei akontese iha fulan-Outubru nia laran tenki iha dukumentus ne’ebé kompletu hafoin bele kompete iha ezame nasionál.

Ministra Eduksaun Dulce de Jesus.

Asuntu ne’e hato husi Ministra Edukasaun  Dulce de Jesus ba jornalista hafoin reuniaun Konsellu Ministru iha Palásiu Governu, Kuarta (07/10/2026.  “Iha estudante balun mak agora dadaun sira laiha dukument  kompletu atu tuir ezame nasionál ha’u konfirma fila fali ho Gabite kurikulum ME bainhira sira atu tuir ezame signifika estudante ida tenki iha dukumentus kompletu ne’ebé rekere ba estudante timor-oan hotu atu tuir ezame nasionál.

Dulce  de Jesus hatutan tan katak, ezame nasionál la’ós foin primeira vez maibé ida ne’e hanesan parte importante husi estudante ida ninia jornada iha
Ensinu Baziku no Ensinu Sekundáriu

“Profesór sira hatene sira nia knar no mós inan-aman sira hotu, ezame nasionál la’ós primeira vez maibé ida ne’e parte importante ida husi estudante ida ninia jornada iha ninia iha ensinu basico no Ensinu sekundariu iha fulan-Outubru nia laran agora Ministeriu Edukasaun iha prosesu hela imprasaun ba pontus de ezame pois sei selebra ezame nasionál iha fulan Outubru nia laran”

Dulce de  Jesus mós rekomenda ba inan-aman sira atu ajuda oan sira no fó tempu ba sira atu bele  prepara sira nia an, atu nune’e,  ezame nasionál ne’e la’o  ho di’ak tanba ida ne’e faze primeiru ba estudante sira atu termina sira estudu iha nivel ensinu baziku no ensinu sekundáriu. (*)