Ekonomia
MCI finaliza estudu viabilidade kona-bá konstrusaun merkadu iha munisípiu haat
Jornalista: Felix Fernandes
Hatutan.com, (07 outubru 2026) Díli–Ministériu Komérsiu no Industria (MCI) finaliza ona estudu viabilidade kona-bá konstrusaun merkadu haat iha Munisípiu Ainaro, Bobonaro, Covalima ho Manufahi.
Ministru MCI, Filipus Nino Pereira.
Ministru MCI, Filipus Nino Pereira, Kuarta (07/10/2026), hateten tinan ne’e MCI propoin merkadu haat atu halo konstrusaun ne’ebé nia prosesu estudu viabilidade finaliza ona no hein atu avansa ba prosesu konkursu públiku.
“Ba tinan ida ne’e merkadu haat ne’ebé MCI propoin atu halo konstrusaun mak merkadu Bobonaro, Ainaro, Manufahi ho Covalima,” Ministru Filipus Nino Pereira informa.
MCI mós sei halo koordenasaun ho autoridade administrativa Ataúro hodi haré númeru vendedor no fatin ba konstrusaun merkadu Ataúro
Merkadu sira ne’ebé mak inisia ho estudu viablidade mak hanesan mercadu Ataúro,RAEOA,Viqueque no Liquiça. Prosesu hirak ne’e sei la’o, maibé sei haree mós ba rai ka fatin ne’ebé mak atu halo konstrusaun. (*)