CAC sei foti medida hasoru funsionáriu públiku ne’ebé utiliza veíkulu Estadu iha loron finadu

Jornalista: Maria Angelita Sandi Belo

Hatutan.com, (30 Outubru 2026), Díli— Komisaun Anti-Korrupsaun (CAC-sigla portugés) sei halo atuasaun ka foti medida hasoru  funsionáriu públiku ne’ebé utiliza veíkulu (karreta ho motór) Estadu iha loron finadu.

Veíkulu Estadu. Foto/repro.dok

Adjuntu Investigasaun CAC,  Álvaro Maria Freitas  ba jornalista sira, Sesta (30/10/2026), afirma katak iha tempu finadu CAC kontínua halo prevensaun no   kontrolla  pontu  entrada sira  hodi monotoriza  funsionáriu públiku ne’ebé mak utiliza veíkulu Estadu iha loron finadu.

Lori CAC  nia naran apela ba funsionáriu públiku hotu-hotu atu la bele uza  utiliza veíkullu Estadu  hodi  halo movimentasaun iha estarada públiku ka  utiliza  bá interese privadu.

“Tanba hanesan ita boot  sira hatene katak krime  pekulatu bá uzu ne’e,  ema ida-ne’ebé uza sasan estadu  nian, iha loron feriadu ka uza sasan Estadu nian iha bainhira sein autorizasaun ka sein mandatu ruma, entaun ida-ne’e pekulatu bá uzu,”  Adjuntu CAC,  Álvaro Maria Freitas hateten.

Nia hatutan, dadaun ne’e CAC iha rekursu sufisénte, tanba servisu hamutuk ho Inspesaun Jerál Estadu, Patrimonia Estadu, Funsaun Públiku  hodi destaka bá pontu entrada sira hotu. (*)