Nasionál
Xanana: Pesoalmente ha’u sei apoia feto kandidata ba Prezidente Repúblika períodu 2027–2032
Jornalista: Maria Angelita Sandi Belo
Hatutan.com, (06 Novembru 2026), Díli– Primeiru-Ministru (PM), Kay Rala Xanana Gusmão, deklara katak, pesoalmente nia sei fó apoiu feto kandidata Prezidente Repúblika períodu 2027–2032.
PM Xanana Gusmão kaer-liman ho Prezidente Parlamentu Nasionál Maria Fernanda Lay iha ámbitu komemorasaun loron nasionál feto ba dala-50 iha CCD, Sesta (6/11/2026). Foto/Maria Angelita Sandi Belo
“Permite ha’u deklara katak, ha’u pesoalmente sei apoia feto kandidata ba Prezidente Repúblika,” PM Xanana Gusmão, deklara iha nia intervnesaun iha serimónia komemorasaun Loron Nasionál Feto ba dala-50, ne’ebé hala’o iha Centro Convenções de Díli (CCD), Sesta- (06/11/2026).
Deklarasaun ne’e hatudu apoiu pesoál Xanana nian ba partisipasaun feto iha lideransa nasionál, inklui iha pozisaun aas liu iha Estadu, hanesan Prezidente Repúblika.
Komemorasaun Loron Nasionál Feto ba dala-50 ne’e sai mós nu’udar momentu importante atu fó atensaun ba kontribuisaun feto sira nian iha dezenvolvimentu nasaun, no promove igualdade jéneru iha área hotu-hotu. (*)