Hatutan.com, (18 Novembru 2021), Dili—Eis Prezidente Repúblika (PR), Kay Rala Xanana Gusmão dezloka ona hodi ba simu Doutór Onoráriu hamutuk rua (2) hosi Universidade Waseda iha nasaun Japaun.
Xanana Gusmão iha hela Airoportu Intenasionál Nicolau Lobato, molok sa’e aviaun hodi dezloka ba Japaun. Foto/Hatutan.com
Kay Rala Xanana Gusmão to’o iha Aeroporto Internasionál, Nicolau Lobato Comoro Díli, iha tuku 08:30 la liu hosi fatin Verry Important Person (VIP), no sa’e aviaun Batik Airlines iha tuku 09:30 OTL.
Ajenda ne’ebé Hatutan.com asesu katak, estadia Xanana Gusmão iha Japaun durante semana ida tanba sei hala’o mós palestra iha universidade Waseda no sei kontinua viajén ba Lisboa-Portugál atu atende enkontru balun.
Durante iha Portugál Pessoa eminente g7+ ne’e sei partisipa iha enkontru lubuk ida hamutuk ho membru sira g7+ nian.
Advertisement
Xanana Gusmão sei hasoru malu mós ho delegasaun mai hosi nasaun Cosovo, hodi fahe esperiénsia kona-bá prosesu rekonsiliasaun Timor-Leste nian ho Indonézia.