Hatutan.com, (30 Dezembru 2021), Díli—Rai nakdoko makás ho nia magnitude 7,4 doko Maluku, Indonézia iha Kinta (30/12/2021) tuku 01.25 Oras Indonézia no tuku 03:32 Oras Timor Leste (OTL).
Hatutan.com sita hosi Twitter Ajénsia Meterolojia Klimatolojia no Jeofízika Indonézia nian, katak rai nakdoko ne’e lokalizadu iha 7.76 Tasi Súl,127.66 ka kilometru 45 noroeste Maluku sudeste ho nia kle’an kilometru 210.
Maski magnitude Rai nakdoko ne’e makás, maibé Ajénsia Meterolojia, Klimtolojia no Jeofízika Indonézia nian deklara katak, rai nakdoko ne’e la iha poténsia ba tasi sa’e (tsunami).
Internauta sira iha Kupan, Nusa Tenggara Timur, Papua, NTB, Atambua, Kalimantan Leste no Timor Leste rasik mós espresa katak, sira sente mós rai nakdoko ne’e. (**Am)