KM Aprova Projetu Sira Dekretu Governu ba Alterasaun Lei Eleitorál Prezidente Repúblika

Hatutan.com, (05 Janeiru 2022), Dili— Konsellu Ministru (KM) hala’o sorumutuk iha Palásiu Governu, iha Dili no, iha 05 Janeiru 2021, aprova ona projetu sira Dekretu Governu nian, ne’ebé aprezenta hosi Ministru Administrasaun Estatál (MAE), Miguel Pereira de Carvalho.

Reuniaun KM. Foto/Média MPKM.

“Projetu sira Dekretu Governu  nian ne’e ho objetivu atu altera no komplementa regulamentasaun hosi Lei Eleitorál ba Prezidente Repúblika nian, hodi hatán ba nesesidade ne’ebé sei salvaguarda respeitu hosi norma sira ne’ebé ho objetivu atu impede propagasaun no diseminasaun Covid-19 hosi populasaun,” Hatutan.com sita komunikadu.

Notisia iha Relasaun:PR Bele Dekreta Kalendáriu Eleisaun Prezidensiál iha Janeiru

Ho hanoin ida-ne’e, aprova ona:

• Alterasaun dahuluk ba Dekretu Governu númeru 5/2017, loron 27 fulan-Fevereiru, ne’ebé regulamenta kampaña no propaganda eleitorál nian;
• Alterasaun dahuluk ba Dekretu Governu númeru 6/2017, loron 27 fulan-Fevereiru, ne’ebé regulamenta organizasaun no funsionamentu sentru votasaun no estasaun sira votu nian;
• Alterasaun dahuluk ba Dekretu Governu númeru 7/2017, loron 27 fulan-Fevereiru, ne’ebé regulamenta prosedimentu votasaun, kontájen votu no apuramentu rezultadu sira;
• Alterasaun dahuluk ba Dekretu Governu númeru 8/2017, loron 27 fulan-Fevereiru, ne’ebé aprova prosedimentu tékniku sira ba realizasaun eleisaun Prezidensiál sira iha estranjeiru;
• Alterasaun dahuluk ba Dekretu Governu númeru 9/2017, loron 27 fulan-Fevereiru, ne’ebé regulamenta atividade observasaun nian, aprova ona alterasaun dahuluk ba Dekretu Governu númeru 10/2017, loron 27 fulan-Fevereiru, ne’ebé aprova prosedimentu tékniku sira ba realizasaun atividade sira kobertura jornalístika nian ba eleisaun Prezidensiál nian;
• Alterasaun dahuluk ba Dekretu Governu númeru 12/2017, loron 27 fulan-Fevereiru, kona-bá ezersísiu direitu votu nian iha estabelesimentu ospitál no prizionál sira;
• Alterasaun dahuluk ba Dekretu Governu nian númeru 13/2021, loron 27 fulan-Fevereiru, ne’ebé regulamenta atividade fiskalizasaun hosi prosesu eleitorál nian;
• Regulamentu kona-bá aprezentasaun kandidatura ba eleisaun Prezidente Repúblika;
• Ezersísiu direitu votu eleitór sira ne’ebé internadu iha sentru izolamentu profilátiku obrigatóriu, sentru izolamentu terapéutiku obrigatóriu ka iha kumprimentu izolamentu profilátiku ka izolamentu terapéutiku obrigatóriu iha domisíliu ida-ne’e ka iha fatin legalmente ne’ebé admite ba efeitu.

Jornalista: Cipriano Colo