Hatutan.com, (12 Janeiru 2022), Díli—Timor-Leste sei partisipa iha Sea Games ba dala XXXI, ne’ebé sei hala’o iha sidade Hanoi, Vietname iha fulan Maiu 2022.
Maske sei iha kampeonatu nasionál hodi hili atleta sira, maibé federasaraun rasik iha ona preparasaun másimu ho atleta nasionál lubuk ida no tuir planu sei halo konsentrasaun iha Gleno, Ermera hodi halo preparasaun.
Federasaun ne’ebé konfirmadu atu partisipa iha Sea Games Vietname, provizoriamente iha haat mak hanesan Federasaun Karate-Do, Federasaun Taekwondo, Federasaun Atletizmu no Federasaun Boxing. Federasaun sira ne’e, CDTL konsidera iha ona nível preparasaun ida di’ak, enkuantu Federasaun Natasaun no Volei Praia iha hela avaliasaun ba kualidade atleta no iha mós Federasaun rua mak submete hela proposta hanesan Federasaun Body Building no Federasaun Halteferizmu.
Provizoriamente CDTL rejista ona Atleta 21 hosi federasaun hirak ne’ebé sei reprezenta Timor-Leste no iha posibilidade aumenta no bele mós menus depende ba avaliasaun ikus molok arranka ba Vietname.
Advertisement
Preparasaun ba atleta sira, CDTL hetan apoiu finanseiru hosi Governu liu hosi SEJD ho montante $81.000.