Lú Olo Sei Hakruk ba Konstituisaun Atu Garante Dezenvolvimentu Nasionál

Hatutan.com, (08 Marsu 2022), Manufahi—Kandidatu Prezidente Repúblika (PR), Francisco Guterres Lú Olo, promete ba apoiante sira iha munisípiu Manufahi katak, sei koopera nafatin ho órgaun soberanu sira seluk hodi hatuur prinsípiu konstituisionalidade ba dezenvolvimentu nasionál no garante moris di’ak povu.

Kampaña Kandidatu Prezidente Repúblika (PR), Francisco Guterres Lú Olo, iha munisípiu Manufahi, Tersa (08/03/2022). Foto/Hatutan.com.

Bainhira eleitu hikas ba PR sei garante komunikasaun di’ak ho órgaun Estadu sira seluk hodi mantein no garantedezenvolvimentu nasionál ba moris di’ak povu nian.

Notisia iha Relasaun:Alkatiri dan FRETILIN Yakin Lú Olo tak Gentar Hadapi Tekanan Politik

Kompromisu seluk maka sei garante funsionamentu instituisaun defeza hodi mellora funsionamentu FALINTIL Forsa Defeza Timor Leste (F-FDTL), atu garante estabilidade nasionál.

“Sei hakruk de’it ba konstituisaun atu garante moris di’ak povu nian no sei fó atensaun másimu hodi hadi’a funsionamentu instituisaun defeza seguransa hodi garante estabilidade nasionál no promove pás no dezenvolvimentu nasionál tuir lei,” Francisco Guterres Lú Olo hateten iha kampu merkadu lama, Same, Tersa (08/03/2022).

Kandidatura ho númeru sorteiu 6 ne’e mós promete sei tau prioridade ba moris di’ak povu nian liu hosi Orsamentu Jerál Estadu ne’ebé governu no Parlamentu diskute.

Nune’e mós Koordenadór Partidu FRETILIN munisipiu Manufahi, Adriano Corte-real ba jornalista sira iha suku Holarua, hateten vitória ne’e sei garante tanba durante tinan lima Lú Olo halo buat barak no povu koñese, liuliu hakruuk de’it ba Konstituisaun.

Jornalista: Vito Salvadór