Polítika
Angela Freitas Hakarak Estabilidade Nasionál Mak Tenke Manan
Hatutan.com, (19 Marsu 2022), Díli— Kandidata Prezidente Repúblika independente ho númeru sorteiu 3, Ângela Freitas prontu atu simu rezultadu eleisaun nian, katak manan ka lakon imprtante maka eme hotu-hotu tenke kontribui ba Estabilidade nasionál.
Kandidata Prezidente Repúblika independente ho númeru sorteiu 3, Ângela Freitas vota iha sentru votasaun Grisenfor, Díli, Sábadu (19/03/2022). Foto/Hatutan.com.
“Ha’u prontu simu desizaun no sei garante atu nafatin kontribui ba estabilidade nasionál,” Angela Freitas hateten ba jornalista sira, hafoin vota iha sentru votasaun Grisenfor, Díli, Sábadu (19/03/2022).
Notisia iha Relasaun:Lamukan Orgullu Vota Ba An Rasik
Kandidata ne’e dehan, Estadu ho Governu iha obrigasaun atu proteze no garante sidadaun sira nia direitu hodi respeita prinsípiu direitu demokrátiku atu bele hakruuk ba Konstituisaun no respeita direitu umanu.
Sentru votasaun Gricenfor rejista votante hamutuk 1.038. Durante prosesu eleisaun la’o hetan seguransa másimu hosi Polísia Nasionál Timor-Leste (PNTL) no hetan observasaun hosi observadór internasionál hosi nasaun CPLP no Uniaun Europeia, inklui observadór nasionál.
Jornalista: Vito Salvadór