Hatutan.com, (28 Marsu 2022), Dili–Primeiru-Ministru (PM) Taur Matan Ruak, Segunda (28/-3/2022), bolu Sekretáriu Estadu Terras no Propriedade (SETP), Mario Ximenes, hodi fó hatene atu rezigna-an iha tempu badak ne’e.
Sekretáriu Estadu Teras Propriedade (SETP), Mario Ximenes. Foto/Espesiál
“Primeiru-Ministru bolu ha’u fó hatene mai ha’u tempu badak ha’u tenke husik hela ha’u nia pozisaun Sekretáriu Estadu Teras no Propriedade,” Sekretáriu Estadu Mario Ximenes, lia tun ba jornalista sira hafoin enkontru ho PM Taur Matan Ruak iha rezidénsia ofisial Primeiru-Ministru nian iha Farol, Dili.
“Ita hotu la hatene razaun Primeiru-Ministru husu ha’u atu rezigna-an. Ha’u atu hateten de’it katak nomeasaun ba kargu polítiku ne’e impresta. Bainhira iha fiar, ita kontinua halo servisu, maibé laiha ona, ita tenke prontu husik kargu polítiku ne’e,” Mario Ximenes tenik.
Durante tinan tolu ho balun (2018-agora), Sekretáriu Estadu Mario Ximenes hala’o servisu tuir kompeténsia sira ne’ebé liga ho knar Sekretariadu Estadu Terras no Propriedade nian.