Jornalista: Maria Angelita Sandi Belo

Hatutan.com, (7 outubru 2026), Díli-Governu reorganiza fali prosesu kontratu ba konstrusaun Kuartél Jerál Polísia Nasionál Timor-Leste (PNTL)  tanba kestaun legál ne’ebé liga ho Tribunál Konta. Ho nune’e governu mós reograniza  preparasaun ba prosesu kontratu foun ne’ebé sei aprezenta iha Konsellu Ministru iha semana oin atu hetan aprovasaun.

Materiál sira ba projetu konstrusaun KJ-PNTL rai to’o ferujen iha lokal projetu. Foto/dok

“Konstrusaun Kuartél Jerál PNTL nian, ami reorganiza fila-fali tanba kestaun legál liga fali ho Tribunal Konta tanba ne’e mak ami reorganiza fali nia prosesu tomak, ami halo ona no iha semana oin lori mai aprezenta fali iha Konselu Ministru bele hetan  aprovasaun foun kona-bá métodu kontratu foun ne’e para depois sira hahú fali servisu,” Ministru Interiór, Francisco da Costa Guterres  informa ba jornalista sira iha Palásiu Governu, Kuarta (7/10/2026).

Projetu konstrusaun Kuartél Jerál PNTL   paradu desde 2020 tanba problema tékniku, liu-liu kona-bá fundasaun edifísiu nian.

Rezultadu estudu hatudu katak fundasaun ne’ebé uza iha projetu ne’e presiza halo dezeña fali, tanba ai-rin fundasaun nian ne’ebé  kuaze metru 19 iha kraik sei nakdoko.

“Tanba ne’e iha 2023, IX governu tama hari’i kedas ekipa ida hodi estuda katak ita presiza redezeña nia fundasi, entaun ita re-dezeña tiha ona nia fundasi, tanba kontratu ne’e mate tiha ona iha 2021 ka 2022 ona entaun redezeña ona ita foin estende fali kontratu ba iha kompañia ne’ebé mak uluk sira ajudika tiha ona,” Ministru Francisco da Costa Monteiro hateten.

Uluk menan tiha ona projetu ne’e iha 2018, ne’e mak ajudika fali ba dehan atu kontinua de’it tanba kompañia ne’e halo tiha obra balu ona ne’ebé  atu fó kontinuidade de’it.

Tribunál  Konta la konkorda ho prosesu kontinuidade kontratu ne’e no husu Governu atu halo prosesu aprovizionamentu no adjudikasaun foun. Ho rekomendasaun ne’e, Governu reorganiza fali prosesu tomak no prepara kontratu foun tuir orientasaun husi Tribunal.

Governu reorganiza fali prosesu kontratu ba konstrusaun Kuartél Jerál tanba kestaun legál ne’ebé liga ho Tribunal Administrativu no Fiskál. Reorganizasaun ne’e inklui preparasaun ba prosesu kontratu foun, ne’ebé sei aprezenta iha Konsellu Ministru iha semana oin atu hetan aprovasaun.

Projetu konstrusaun ne’e paradu tanba problema tékniku, liuliu kona-bá fundasaun edifísiu nian.

Rezultadu estudu hatudu katak fundasaun ne’ebé uza iha projetu ne’e presiza halo dezeña fali, tanba estaka fundasaun nian ne’ebé to’o kuaze 19 metru iha kraik sei nakdoko.

Iha 2023, Governu Konstitusionál IX hari’i ekipa téknika ida atu halo estudu no avaliasaun kona-bá situasaun fundasaun. Hosi estudu ne’e, Governu deside atu halo dezeña fali fundasaun antes kontinua konstrusaun.

Antes ne’e, kontratu projetu nian mate iha tinan 2021 ka 2022. Iha 2018, projetu ne’e adjudika ona ba kompañia ida, no kompañia ne’e halo ona parte husi obra. Tanba ne’e, Governu konsidera atu kontinua kontratu ho kompañia ne’ebé uluk ajudika ona projetu.

Orsamentu projetu nian antes ne’e hamutuk  millaun US$10 no sei mantein nafatin. Maibé, depois halo redezeña fali ba fundasaun, orsamentu projetu aumenta ba millaun US$12.

“Orsamentu ba konstrusaun ne’e mantein nafatin iha 10 miloens itál ne’e, maibé iha redezeña ne’e sa’e ba 12 miloens tanba nia fundasi ne’e, mais mak ne’e de’it ona ita la aumenta tan,” Miknistru Francisco da Costa Guterres konklui. (*)