Justisa & Krime
Projetu Instalasaun Set-top Box RTTL, E.P, CAC Bolu Ona Sasin Prinsipál Na’in-neen no Hela Na’in-lima
Hatutan.com (01 Abríl 2022), Dili– Komisaun Anti-Korrupsaun (CAC, sigla portugés) bolu ona sasin prinsipál na’in-neen (6) hodi rona sira-nia deklarasaun ka depoitmentu kona-bá kazu projetu instalasaun Set top Box/dexodificador Rádiu Televizaun Timor Leste, Empreza Públiku (RTTL, E.P).
Notísia iha Relasaun: Prezidente RTTL,E.P La Fó Komentáriu Ba Projetu Instalasaun Set-top Box RTTL,E.P.
Komisáriu CAC, Sergio Hornai. Foto/Hatutan.com
Husi sasin na’in-neen ne’e, CAC identifika tan sasin potensiál na’in-lima (5) ne’ebé presiza rona tan, hodi rekolla informasaun atu bele haforsa investigasaun no presiza rekolla mós dokumentu adisionál balun liga ho kazu korrupsaun nian.
“Sasin barak husi fonte rua mak bolu ona. Karik presiza tán sasin balun hodi hakle’an servisu investigasaun,” Komisáriu CAC, Sergio Hornai hateten ba Hatutan.com iha ninia knar fatin, Faról-Dili, Sesta (01/04/2022).
Notísia iha Relasaun: Kazu Projetu Set-top Box RTTL,E.P, CAC Bolu Ona Sasin Husi MAPKOMS ho RTTL
Iha delegasaun kompeténsia husi Ministériu Públiku (MP) ba CAC ne’e ho durasaun loron 45 hodi rona depoimentu husi sasin sira no ikus mai sei submete rezultadu investigasaun ba MP hodi halo analiza no bainhira sei iha falta ruma maka MP sei haruka fali despaxu própriu ho orientasaun klaru ba CAC hodi halo reabertura hodi fó sekuénsia ba orden MP nian.
Ministériu Públiku delega kompeténsia ba CAC hodi hahú arrola sasin sira atu ba presta deklarasaun iha CAC, kona-bá indísiu krime ne’ebé iha relasaun ho projetu instalasaun Set-top box/dexodificador RTTL,E.P.
Projetu instalasaun Set-top Box/dexodificador RTTL,E.P ne’e ho nia kustu $900,000.00, deskonfia Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, nudár mós Prezidente Federasaun Futeból Timor Leste (FFTL) estabelese kontratu ho empreza DILI ETERNAL INNOVATION INFORMATION, Lda nudár sósiu husi Melánia da Silva Fernandes Capela nudár Sekretaria iha Gabinete Prezidente FFTL.
Notísia iha Relasaun: Direitu Bá Resposta Husi MAPKOMS Kona-bá Projetu Intalasaun Set-top Box RTTL,E.P
Jornalista: Carmelita Isaac