Munisípiu Díli ho Bobonaro Sei Iha Kazu Esporádiku Covid-19

Hatutan.com, (04 Agostu 2022), Díli—Dadus hosi Ministériu Saúde (MS) ba loron 3 fulan ne’e, kazu detetatu foun hamutuk lima, kazu rekuperadu ida, kazu ativu 41, kazu konfirmadu kumulativu hahú hosi 21 Marsu to’o 3 fulan Agostu hamutuk 23.024 no óbitu 0.

Funsionáriu sira iha Ministériu Saúde simu vasina iha Janeiru 2022. Foto/Hatutan.com.

Hosi númeru refere, Munisípiu 11 laiha kazu ativu maibé Munisípiu Bobonaro no kapitál Díli sei iha kazu esporádiku Covid-19.

Lee Mós:Delegasaun Ramos-Horta ba Indonézia, Na’in-rua Pozitivu Covid-19

“Hahú iha loron 3 fulan Agostu tinan ne’e, Laboratóriu Nasionál Saúde halo 72 testes PCR iha Díli, ho detalles hanesan tuir mai, Vijilánsia sentinela:0, Rastreiu ba kontaktu 0, Rastreiu Aleatóriu (Random Screening) 15, Viajen internasionál 57, Follow up iha quarentena 0,” Hatutan.com sita komunikadu.

Totál testes PCR ne’ebé halo iha loron 02 fulan Jullu iha Munisípiu sira seluk, Rejiaun Administrativa Espesiál Oecusse Ambeno (RAEOA) no Hospitál Nasionál Guido Valadares (HNGV) hamutuk 38 ho detalle hanesan tuir mai, Baucau 0, Ermera 0, Bobonaro 11, Maubisse 0, RAEOA 0, Covalima 0, Viqueque 0, Lautém 0, HNGV 37 no Vera Cruz 0.

Hosi totál teste PCR ne’ebé hala’o iha oras 24 ikus 110, ida-ne’e hatudu taxa pozitividade 0,4 (iha semana kotuk, 27 Jullu, taxa pozitividade: 0,1%.

Iha izolamentu Vera Cruz, Lahane, HNGV no fatin seluk iha teritóriu laran tomak, halo tratamentu ospitalizadu ba kazu detetadu pozitivu Zero, iha Izolamentu (Vera Cruz) iha semana kotuk,27 de Jullu:0, tanba ne’e iha TL, a. Baixa ho Covid-19 (0). b. Baixa tanba Covid-19 (0).

MS nafatin apela ba populasaun iha Díli no Munisípiu atu aprezenta-an iha fasilidade saúde (Sentru Saúde ka Ospitál) ne’ebé besik, bainhira sente isin-manas, ka kakorok moras, ka inus-been, ka mear, hodi bele hetan atendimentu hosi profisionál saúde sira atu prevene transmisaun virus Covid-19.

Jornalista: Carmelita Isaac