Tuir previzaun, to’o iha tinan ida-ne’e nia rohan Autoridade Aduaneira bele hetan reseitas aduaneira liu fali tinan kotuk ne’ebé ho montante totál millaun $67,9.
Advertisement
Ministru Finansas, Rui Gomes hateten “Iha tempu badak nia laran, Autoridade Aduaneira sei muda sai husi Portu Díli ba Portu Baía Tibar. Ita espera katak ho kondisaun servisus foun ne’ebé di’ak liu ne’e, bele kontribui ba hasa’e tan Ita-nia reseitas mai kofre Estadu hodi hamenus Ita-nia dependénsia ba Fundu Minarai.”
Daudaun ne’e Ministériu Finansas implementa hela Reforma oioin. Iha fulan hirak tuir-mai, sei avansa ho Lei Tributária no instrumentu sira seluk atu fó mós kbiit ba Autoridade Tributária atu bele rekolla tán reseitas, halakon evazaun fiskál no aumenta efikásia iha administrasaun rekolla reseitas doméstika.