Kazu Ilísitu bá Droga, MP Alega Prizaun Preventiva bá Arguidu sira

Hatutan.com, (15 Agostu 2022), Díli– Ministériu Públiku liuhosi  Prokuradór Rogério Viegas, alega  prizaun preventiva bá arguidu sira bá kazu krime ilísitu bá droga.

Lee Mós : Ramos-Horta Husu Timoroan Hakribi Droga

Atoridade sira lori arguidu sira kazu krime ilísitu bá droga partisipa kontinuasaun interogatoriu dahuluk iha TDD, Segunda (15/08/2022). Foto/Hatutan.com

Liuhosi kontinuasaun interrogatóriu dahuluk iha Tribunál Distritál Díli (TDD), Segunda (15/08/2022),  Prokuradór Rogério Viegas husu bá Tribunal atu aplika medida koasaun prizaun preventiva bá arguidu na’in-sia (9) ho inisiál DGS, MM, B, MAA, AY, SSO, M, CRM ho J tanba iha indísiu forte bá kazu ilísitu bá droga relasiona ho arguidu sira nia deklarasaun ne’ebé konfesa faktu ne’ebé iha. 

Advogadu privadu, Cancio Freitas ne’ebé fo asisténsia legal ba arguidu ho inisiál AY husu bá Tribunál atu aplika medida koasaun Termu Identidade Rezidénsia (TIR) bá nia kliente tanba konsidera laiha indísiu forte hodi lori arguidu bá prizaun preventiva.

Lee Mós : Ekipa Konjunta Detein Suspeitu Sira Sindikatu Droga, Mesak Sivilizadu Nia Oan

Hafoin alegasaun, Juiz preside José Gonçalves, suspende audiénsia durante oras rua nia laran hodi rona desizaun.  

Ministériu Públiku (MP) akuza arguidu sira ho krime ilísitu bá droga ne’ebé previstu iha artigu 7  Kódigu Penal (KP) Timor Leste.  

Jornalista : Carmelita Isaac