Ramos-Horta Husu Timoroan Hakribi Droga

Hatutan.com, (15 Agostu 2022), Díli- Prezidente Repúblika (PR), José Ramos-Horta, husu timoroan hotu hakribi droga hodi la monu bá tentasaun sira ne’ebé lori risku bá sosiedade. 

Lee Mós : Ekipa Konjunta Detein Suspeitu Sira Sindikatu Droga, Mesak Sivilizadu Nia Oan

Droga. Foto/Google

“Droga ne’e kestaun ida ne’ebé ha’u akompaña mais ne’e pertense ba ita-nia polísia no judisiál kuandu elementu ruma ka se-se de’it mak  envolve  iha droga, ne’e krime,”  Ramos-Horta  hateten bá jornalista sira relasiona ho kazu krime ilísitu bá droga   ne’ebé foin lalais ne’e ekipa konjunta kaptura no detein suspeitu na’in-sia (9).

Ramos-Horta hanesan Xefe Estadu sempre preokupa tanba hakarak haree Timor-Leste moos, laiha droga, maibé hanesan ema hotu hatene iha  rai sira  ne’ebé organizadu tebes-tebes hanesan iha Eropa   la konsege taka problema droga, ne’e hanesan Amérika sub potensial númeru um la konsege, nasaun sira iha sudeste aziátiku hanesan  Singapura, Indonézia mós la konsege tanba difisil tebes atu kontrola

“Timor-Leste ita bele dehan estadu frazil, ne’e duni perigu purenkuantu ita-nia sosiedade monu ba tentasaun droga,”  Horta hateten, Segunda (15/08/2022).

Nú’udár prezidente no nu’udár lider nasional, Ramos-Horta kontinua ko’alia bá joven sira soe droga, soe alkóliku no soe violénsia.

Lee Mós : Segunda, Tribunál Kontinua Halo Interrogatóriu bá Arguidu Sira Kazu Ilísitu bá Droga

Jornalista: Vito Salvadór