Grand Dragon Lotaria nian ne’e estabelese ona iha Munisípiu 12 hodi fornese ona servisu bá sidadaun sira no ba dala-ida ne’e inisia tan atu estabelese jogu refere iha RAEOA.
Xefe Inspesaun Jerál do Jogu, Dolores Martins, kompañia jogu lotaria grand dragon halo komparasaun ho kompañia sira seluk Grand Dragon mak selu tasa di’ak liu tanba Governu mak kontrola.
Advertisement
“Lotaria Grand Dragon sai ezemplu di’ak bá kompañia jogu sira seluk tanba adopta ona mundu modernu hodi implementa sistema dijitál,”. Xefe Inspesaun Jerál do Jogu, Dolores Martins, bá jornalista sira, hafoin partisipa iha serimónia enserramentu treinamentu Novo Sukursál Grend Dragon Bobonaro, Covalima no Viqueque iha sentrál edifísiu Grand Dragon, Díli, Kinta (06/10/2022).
Biban ne’e, responsavel jogu lotaria Grand Dragon Munisípiu Viqueque, Aniceto da Camara, hato’o agradese ba diretór lotaria Grand Dragon ho nia konsultór sira no mós ba parseiru sira husi rai-li’ur ne’ebé mak lori produtu ne’e estabelese iha Timor-Leste hodi absorve kampu servisu ba timoroan.
Agradese mós ekipa sira hotu ne’ebé fó fiar ba nia sai hanesan sira-nia saseluk hodi lori produtu ida ne’e ba Munisipiu Viqueque hodi habelar jogu lotaria Grand Dragon ba ema hotu atu hatene.
“Jogu ida-ne’e mós sai hanesan dijitalizasaun hodi uza plataforma dijitalizasaun (online), buat ida ne’ebé mak foun,” Aniceto hateten.
Advertisement
Nia lia tun dehan, treinamentu ida ne’e, maske loron badak tebes maibé komprende uitoan ona, no espera buat ne’ebé aprende ona ne’e sei implementa iha tempu serbisu.
Aniceto husu bá Governu atu rigor iha inspesaun hodi kombate jogu ilegál sira ne’ebé sei eziste iha territóriu nasionál.