Justisa & Krime
Kazu Instalasaun Set-Top Box RTTL,E.P, MP Akuza Krime Lima bá Arguidu Na’in-rua
Hatutan.com, (15 Outubru 2022), Díli—Tribunál Distritál Díli (TDD), iha loron Sábadu (15/10/2022), hala’o prosessu primeiru interrogatóriu ba arguidu GDS ho arguida MCS ne’ebé deskonfia involve iha Kazu Instalasaun Set-Top Box Rádiu Televizaun Timor Leste Empreza Públika (RTTL,E.P).
Arguidu na’in rua ba kazu Instalasaun Set-Top Box Rádiu Televizaun Timor Leste Empreza Públika (RTTL,E.P), submeter ba Primeiru Interrogatóriu iha Tribunál Distritál Dili, Sábadu (15/10/2022). Foto Hatutan.com/Elio dos Santos da Costa.
Arguidu nai’n-rua to’o iha Tribunál Distritál Díli iha tuku 9:00 dader ne’ebé hetan akompañamentu hosi investigadór sira Comissão Anti Corupção (CAC) ho borgól ka alzema iha liman.
Lee Mós: Kazu Instalasaun Set-Top Box RTTL,E.P, Suspeitu Na’in- Rua Sei Submete ba Primeiru Interrogatóriu
Iha prosesu primeiru interrogatóriu ne’e, Ministériu Públiku (MP) liu hosi Prokuradór Matias Soares imputa krime Abuzu Podér, Brankeamentu Kapitais, Fraúde Fiskál, Partisipasaun Ekonomia iha Negósiu no Konflitu ba Interese.
Prosesu primeiru interrogatóriu ne’e sei kontinua iha ohin lorokraik tuku 14:00 hodi kontinua ba alegasaun.
Primeiru interrogatóriu ne’e prezide hosi Alberina Neves, Ministériu Públiku reprezenta hosi Matias Soares no Arguidu sira heran assisténsia hosi advogadu privadu.
Lee Mós: Kazu Instalasaun Set-Top Box RTTL,E.P, CAC “Borgol no Detein tán” Sekretária FFTL
Breaking News: Kazu Instalasaun Set-Top Box RTTL,E.P, CAC “Borgol no Detein” Assesór MAPKOMS
Jornalista: Elio dos Santos da Costa