RAEOA Sei Sustenta Despeza Rasik no Kontribui Reseita Bá Estadu

Hatutan.com, (17 Outubru 2022), Díli- Prezidente Autoridade Rejiaun Administrativa Espesiál Oé-cusse Ambeno (RAEOA), Arsénio Paixão Bano hateten, RAEOA sai polo dezenvolvimentu bá Estadu RDTL ho objetivu atu diversifika rendimentu  Estadu tamba ne’e RAEOA sei halo esforsu atu sustenta nia despeza rasik inklui kontribui  reseita bá Estadu.

Lee Mós : Timor-Leste Apoia Millaun $14 bá Reabilitasaun Estaleiru iha Figuera da Foz

Prezidente Autoridade RAEOA, Arsénio Paixão Bano. Foto/Hatutan.com.

Arsénio Bano ba jornalista sira hafoin hasoru malu ho Primeiru-Ministru Taur Matan Ruak iha rezidénsia Estadu Primeiru-Ministru nian iha Farol, Díli, Segunda (17/10/2022), hateten RAEOA  foin moris tinan hitu, nune’e, Prezidente RAEOA halo esforsu barak, halo infrastrutura Aeroportu no mós estrada zona sentrál ne’ebé agora dada baázona rural.

Nia hateten, daudaun halo ona diskusaun ho kompañia sira ne’ebé interesadu hakarak investe iha RAEOA, tamba hanesan lideransa iha RAEOA preokupa katak osan labele despeza de’it maibé tenke iha mós reseita.

Reseita ne’ebé halo daudauk, tuir Arsenio Bano, ki’ik no boot halo ona, osan tama hosi Aeroportu no Aviaun ne’e seidauk truka osan ne’ebé maka RAEOA hasai.

“Ita la bele kontente lai osan hosi fronteira mós sei uitoan, ita mós halo depozita prazu bá osan, ita mós diskute ho kompaña sira ne’ebé atu halo  investimentu iha Oé-Cusse,” Arsénio Bano hateten.

Foin daudauk Autoridade RAEOA hasoru kompañia balu ne’ebé iha interesadu bá área turismu nian no bá seluk tan inklui investimentu ba zona frente bainhira harii zona franca livre no hanoin ba futuru ne’e di’ak.

RAEOA hanoin katak osan ne’e tama labele bá RAEOA de’it, maibé tama bá Timor-Leste no RAEOA mós iha rresponsabilidade atu kontribui  reseita nnasionál. Nune’e, prezidente RAEOA sei halo no sei kria servisu iha RAEOA, aumenta rendimentu iha RAEOA, ema balu dehan zona Franca.

Oé-Cusse  sidade mós liu iha Timor-Leste ida ne’e tenke mantein tanba dada ona ema nia interese atu investe iha área turizmu. Nune’e, Arsenio Bano hateten, Oé-Cusse  maka seguru liu no fó valór ona bá investor sira atu mai iha Oé-Cusse.

“Ha’u prontu foti nia resiku bá sasán barak tanba ha’u hatene katak rai ne’e tenke bá oin no ita tenke halo buat ruma, ba médiu no longu prazu. Nune’e Oé-Cusse sei kontribui bá reseita nasionál, importante agora ne’e preparasaun maka tenki la’o di’ak, hanesan infrastrutura, eletrisidade, estrada iha sidade moos ho eletrisidade la’o di’ak,”Arsenio Bano hateten.

Iha diskusaun Indonézia nian sira foti fali indústria iha Oé-Cusse, indústria ne’ebé maka bele ajuda RAEOA investe iha fatin seluk mós,  entaun RAEOA iha esperiénsia ho Portugal no estaleiru figuera da foz nian no agora iha tan esperiénsia ho TimorGap bá harii estasaun foun kombustivel nian iha RAEOA.

Jornalista: Vito Salvadór