Internasionál

Ramos-Horta Kongratula Lula da Silva Ne’ebé Eleitu bá Prezidente Brazíl

Published

on

Hatutan.com, (01 Novembru 2022), DíliPrezidente Repúblika Timor Leste, José Ramos-Horta, kongratula Luís Inácio Lula da Silva ne’ebé eleitu nu’udár Prezidente Repúblika Brazíl, liu hosi eleisaun Prezidensiál ronde da-ruak ne’ebé monu iha loron Domingu, 30 Novembru 2022 iha Brazíl.

Prezidente Repúblika Timor Leste, José Ramos-Horta, kaer liman ho Prezidente eleitu Luís Inácio Lula da Silva. Foto dok Ramos-Horta.

Luís Inácio Lula da Silva, eleitu hanesan Prezidente Brazíl ho  votus 50,90%, hafoin halakon Jair Bolsonaro ho votus 49,10%, hosi votus 99,93% kontajen eleitores. 

Luís Inácio Lula da Silva ne’ebé antes ne’e lidera ona nasaun Brazíl durante períudu rua entre 2003 no 2011, iha períudu ida ne’e sei fila hikas ba Palácio da Alvorada liu hosi vitória iha ronde da-ruak iha istória demokrasia Brazíl nian.

Ho vitória ida-ne’e, Ramos-Horta konsidera hanesan restaurasaun ida ba justisa no demokrasia Brazileira.

Advertisement

“Ha’u nia parabens ba belun di’ak Lula! Parabens ba Povu Brazileiru! Justisa ida ne’e iha duni atu bele restaura hikas demokrasia Brazileiru,” Ramos-Horta hateten iha ninia mensajen.

Ramos-Horta haree no nota katak, líder sira iha mundu oitoan liu mak fó sira nia solidariedade ba Lula da Silva bainhira nia iha situasaun ema hamo’e nia no iha komarka.

“Povu hili fila fali Lula hanesan Prezidente Repúblika Federál Brazíl. Eleisaun ne’ebé laiha manipulasuan, realiza ho kompeténsia másima no iha integridade aas hosi órgaun eleitorál sira Brazíl nian ne’ebé iha esperiénsia no kredibilidade, iha rekoñesimentu internasionál,” Ramos-Horta subliña.

Mundu ne’ebé nakonu ho problema oioin, Ramos-Horta konsidera Lula bele sai hanesan líder ida ne’ebé moderadu no bele sai hanesan fonte ba diálogu no rezolusaun konflitu.

Jornalista: Vito Salvadór

Advertisement

Husik Hela Komentariu

Your email address will not be published. Required fields are marked *

Trending

Exit mobile version