Orsamentu ida-ne’e, sei aloka bá programa defeza nasionál ho $14.960.829. Programa boa governasaun no jestaun institusionál ho $18.031.856. Programa Igualidade Jéneru no Inkluzaun Sosial ho rihun $30.
“Votu Afavór 60, kontra 0, no abstensaun 1. Nune’e, orsamentu bá Falintil Forsa Defeza Timor-Leste, pasa,” Prezidente Parlamentu Nasionál (PPN), Aniceto Guterres, deklara rezultadu votasaun espesiálidade iha plenária PN, Tersa (15/11/2022).
Advertisement
Enkuantu, dotasaun inisiál hosi orsamentu ne’ebé mak aloka bá PNTL, ho montante $.43.082.642.
Orsamentu ida ne’e, sei fahe bá Programa Seguransa Nasionál ho $38.348.854. Programa Boa Governasaun no Jestaun Institusionál ho $4.713.788. Programa Igualidade Jéneru no Inkluzaun Sosial ho rihun $20.
“Rezultadu votasaun, ho votu afavór 60, kontra 0, abstensaun 0. Orsamentu bá PNTL, pasa iha espesiálidade,” Aniceto Guterres, deklara tán.