Hatutan.com, (19 Janeiru 2023), Díli— Iha Kuarta (18/01/2023) oras 23:30 kalan, autoridade seguransa halo detensaun ba joven na’in-sia ne’ebé halo perturbasaun órden públika no tuda vítima sira nia uma, inklui lori tudik ho katana ta’a ema nia kerreta arbiru liu hosi área estrada iha Suku Akadiru-Hun, aldeia Kuluhun de Baixo Postu-Administrativu Na’in-Feto, Munisipiu Díli.
Iha Kuarta (18/01/2023) oras 23:30 kalan, autoridade seguransa halo detensaun ba joven na’in-sia ne’ebé halo perturbasaun órden públika no tuda vítima sira nia uma, inklui lori tudik ho katana ta’a ema nia kerreta arbiru liu hosi área estrada iha Suku Akadiru-Hun, aldeia Kuluhun de Baixo Postu-Administrativu Na’in-Feto, Munisipiu Díli.
“Joven hirak -ne’e mai hosi Munisipiu Baukau, Suku Gariwai hodi servisu iha Kompaña lokál ida ne’ebé halo atendimentu bá fornesimentu ai-han Cesta Bázika nian ho kondisaun lanu tuda vítima sira nia uma no mós lori sasan kro’at ta’a ema nia kareta arbiru iha dalan públiku,” Hatutan.com sita komunikadu.
Ekipa konjuntu kompostu hosi Arranha, Makikit, F&P, Unidade Falintil, SNI, patrullamentu hosi Eskuadra Na’in-Feto, Eskuadra Kristo Rei, Task Force no Ofisiál Delta 31 to’o iha fatin konsege halo atuasaun duni tuir no kaptura autór sira iha fatin akontesimentu.
Oras-ne’e daudaun suspeitu sira ekipa konjunta lori ona ba iha Eskuadra Na’in-Feto hodi submete ba prosesu investigasaun no kontinua lori ba detein iha sela Komandu PNTL Munisipiu Díli.