PLP Hakarak Eleisaun Ida Ne’ebé Kualidade

Hatutan.com, (03 Fevereiru 2023), Díli—Partidu Libertasaun Populár (PLP), husu Prezidente Repúblika (PR), José Ramos-Horta dekreta loron eleisaun Parlamentár 2023 tenke haree ba preparasaun lojistika no kuadru legál sira, hodi garante kualidade iha prosesu demokrásia ne’ebé povu enfrenta iha kada tinan lima.

II Vise Prezidente PLP, Demétrio Amarál ho kuadru sira hasoru-malu ho Preizdente Repúblika, José Ramos-Horta iha Palásiu Prezidensiál Nicolau Lobato Bairru-Pité, Sesta (03/02/2023).

II Vise Prezidente PLP, Demétrio Amarál hateten asuntu ne’e hafoin fó opiniaun iha konsultasaun ho Xefe Estadu, José Ramos-Horta kona-bá atu deklara eleisaun Parlamentár 2023, iha Palásiu Prezidensiál Nicolau Lobato Bairru-Pité, Sesta (03/02/2023).

Lee Mós: PD Sempre Preparadu Bainhira Xefe Estadu Dekreta Loron Eleisaun

“Ita hakarak atu eleisaun ida ne’ebé la’o ho kualidade, rekere ita nia preparasaun di’ak iha lójistika, kuadru legál sira ne’ebé guia operasionalizasaun prosesu eleisaun sira no mós rekursu umanu ne’ebé bele operasionaliza sistema sira, nune’e ita realiza ho kualidade duni,”  Demétrio Amarál.

Kona-bá peparasaun, PLP hanesan partidu polítiku, prepara an tebe-tebes atu avansa ba eleisaun bainhira iha ona desizaun ruma.

Konabá Koligasaun antes ho partidu ruma atu avansa ka avansa mesak, PLP sei deside liu hosi kongressu nasionál partidu nian.

Jornalista: Vito Salvadór