Hatutan.com, (30 Abríl 2023), Díli— Xefe Kaza Sivíl, Prezidénsia Repúblika, Bendito dos Santos Freitas, reprezenta Prezidente Repúblika, José Ramos-Horta, entrega uma ida ho medida 9×7 ba inan-faluk Manuela Luisa da Silva, iha aldeia Au-Hun, Suku Becora, Munisípiu Díli, 27 Abríl 2023.
Xefe Kaza Sivíl, Prezidénsia Repúblika, Bendito dos Santos Freitas, reprezenta Prezidente Repúblika, José Ramos-Horta, entrega uma ida ho medida 9×7 ba inan-faluk Manuela Luisa da Silva, iha aldeia Au-Hun, Suku Becora, Munisípiu Díli, 27 Abríl 2023. Foto/Média PR.
“Ha’u orgullu tebes ba tulun hosi Prezidente Repúblika rasik. Ami nia moris ne’e depende fila-liman hodi sustenta-oan sira. Antes ne’e ami hela iha uma-talin ida,” Hatutan.com sita deklarasaun Manuela da Silva iha komunikadu.
Advertisement
Assesór Sosiedade Sivíl no Apoiu Sosiál (SSAS) Prezidénsia Repúblika, Quintiliano Moníz esplika, rezidénsia ne’ebé oferese ba inan-faluk Manuela Luisa da Silva, konstrui ho valór $5.000-resin.
“Uma ne’e ita gasta $5.720 tanba la selu bada’en. Ne’e halo hosi funsionáriu kontratadu SSAS, hodi halo servisu komunitáriu, tuir pedidu ne’ebé familia ka grupu sira hato’o no merese atu apoia. Uma ida-ne’e Prezidente Ramos-Horta rasik mak mai identifika no orienta ami halo,” Quintiliano informa.
Xefe Estadu, José Ramos-Horta disponiliza nia osan rasik hamutuk $3.000-resin no $2.000-resin mai hosi Gabinete Prezidénsia Repúblika, hodi halo konstrusaun ba uma ho medida 9×7.
Ekipa hosi Prezidénsia Repúblika kontinua halo identifikasaun ba família vulnerável, antes apoia benefisiáriu sira.