Hatutan.com, (26 Juñu 2023), Díli—Ezekusaun reál Orsamentu Jerál Estadu (OJE) 2023 ba Todo Governo – esklui kompromisu no obrigasaun sira, to’o iha Sábadu, 24 Juñu, em termos nominál atinji ona millaun $552 hosi orsamentu aprovadu biliaun $2,16.
“Ezekusaun reál OJE 2023 ba Administrasaun Sentrál em termos nominál atinji ona millaun $529 hosi totál orsamentu alokadu biliaun $1,8. Enkuantu Autoridade RAEOA – ZEESM ezekuta ona millaun $22,6 hosi orsamentu alokadu millaun $120,” Hatutan.com sita komunikadu.
Lee Mós: Ezekusaun Reál OJE 2023 Atinji Millaun $438,2
Ezekusaun OJE 2023 iha Administrasaun Sentrál aas liu maka iha Liñas Ministeriais ne’ebé ezekuta ona millaun $398, hosi orsamentu alokadu biliaun $1,2.
Tuir kedan ho Ajénsia Autónomas ho nia ezekusaun atinji ona millaun $72,9 hosi orsamentu alokadu millaun $218,3.
Autoridade Munisipais ezekuta ona millaun $38,8 hosi orsamentu alokadu millaun $81,3. Fundu Infraestrutura (FI) ezekuta ona millaun $12,4 hosi orsamentu alokadu millaun $202,7.
Fundu Dezenvolvimentu Kapitál Umanu ezekuta ona millaun $4,7 hosi orsamentu alokadu millaun $17,8. Enkuantu Fundu Covid-19 ezekuta ona millaun $2,2 hosi orsamentu alokadu millaun $18.
Jornalista: Vito Salvadór