Deskonfia Envolve iha Kazu Tráfiku Umanu, PNTL Detein Timoroan Feto Na’in-tolu

Hatutan.com, (21 Jullu 2023), Dili-Polísia Nasionál Timor-Leste (PNTL), Departamentu Investigasaun Kriminál (DIK) detein timoroan  feto na’in-tolu tanba deskonfia envolve iha kazu krime tráfiku umanu.

Lee Mós : PNTL Sei Prosesa ‘Jonn Malic’ Ho ‘Ela Variana’ Bá Ministériu Públiku

Kampaña no advokasia bá luta hapara trafiku umanu. Foto/Google

Suspeita na’in-tolu ho inisiál  TS, SD no VN detein hela iha sela detensaun Polísia hafoin autoridade sira halo identifikasaun bá sira iha sira-nia rezidénsia iha Kinta (20/07/2023), tuku 10:24 dadeer, iha área Delta, Suku Comoro, Postu Administrativu Dom Aleixo, Munisípiu Díli.

PNTL rejistu ona kazu ne’e ho nia Número Único Criminal (NUC) 0277/22. PNSIK. Nune’e, bainhira suspeita sira kompleta ona oras 72 iha sela detensaun sei lori  bá submete Prosesu Primeiru Interrogatóriu Judisiál iha Tribunál Judisiál Primeira Instánsia Díli (TJPID).

Hosi identifikasaun no identifikasaun ne’e, autoridade polísia identifika tan suspeitu ida ho inisiál VC, ne’ebé mak to’o oras ne’e sei kontínua subar-aan, maibé PNTL liuhusi ekipa Departamentu Investigasaun Kriminál, Servisu Informasaun Polísia (SIP) ho Servisu Sekreta sira seluk, sei buka nafatin suspeitu ne’e.

Jornalista: Rogério Pereira Cárceres