Presiza Kapasita Prokuradór Sira iha Área Investigasaun bá Kazu Korrupsaun

Hatutan.com, (09 Outubru 2023), Díli- Programa bá Monitorizasaun Sistema Justisa (JSMP, sigla Ingles) propoin atu iha kapasitasaun kle’an bá autór judisiál sira, liu-liu Prokuradór sira iha Ministériu Públiku (MP)  kona-bá investigasaun krime korrupsaun.

Lee Mós: Reforma Justisa, La Nesesaria Kontrata Péritu Internasionál

Edífisiu PGR, Colmera, Díli. Foto/Elio dos Santos da Costa

Koordenadór bá Unidade no Monitorizasaun ba Servisu Parlamentu Nasional JSMP, Jose Pereira, hateten, kona-bá kazu kompleksu tebes ne’ebé la hanesan ho kazu sira bain-bain, tanba ne’e presiza tempu, Ministériu Públiku sira labele lori lai bá Tribunál bainhira seidauk iha faktu ne’ebé sufisiente.

“Daudaun ne’e ita iha limitasaun rekursu umanu no kapasidade, tanba kazu sira  kompleksu ne’e presiza  tebes koñesimentu espesialidade. Se  Prokuradór Ministériu Públiku, Defensoria Públiku sira-nia koñesimentu jeral liu, hanoin ne’e susar tebes, ne’e sai hanesan dezafiu bá sira atu halo investigasaun ho di’ak,”  Jose Pereira bá Hatutan.com iha edifísiu  JSMP,  Colmera, Dili, foin lalais ne’e.

Nia afirma, estadu ida ne’e tenke investe ba investigadór sira, liu-liu Prokuradór iha MP, inklui mós Defensór no Juis sira, oinsá bele aumenta kapasidade no koñesimentu nune’e bele trata asuntu korrupsaun ho di’ak.

Jornalista: Gloria Maia