Rai Nakdoko iha Alor to’o Díli ho Magnitude 4,5

Hatutan.com, (03 Dezembru 2023), Díli- Ajénsia Meteorolojia, Klimatolojia, no Jeofízika (BMKG, sígla Indonézia) relata katak, akontesimentu rai nakdoko ho magnitude 4,5 iha Alor,  Provínsia Nusa Tenggara Timur (NTT), Repúblika Indonézia (RI).

Lee Mós: Rai Nakdoko iha NTT ho Magnitude 6,1

Rai nakdoko. Foto/Repro

Tuir informasaun husi Ajénsia Meteorolojia, Klimatolojia, no Jeofízika  ka BMKG  rejista katak, rai nakdoko ho nia magnitude 4,5 iha área Tasi Sudeste Alor, Provínsia Nusa Tenggara Timur (NTT), Repúblika Indonézia (RI) ne’e afeita mós to’o Díli-Timor-Leste.

Rai Nakdoko ne’e akontese iha Domingu (03/13/2023), hale’u  tuku 06:39:57 oras Indonézia , oras lokál ho pontu koordinat 8.30 oras Timor Leste (otl)  no 124.87 BT ho nia profundidade terramoto kilómetru 18.

Fatin akontesimentu rai nakdoko ne’e iha tasi sudeste Alor no nia distánsia mai Timor-Leste iha deit kilómetru 19.

Timor-Leste afeita  bá rai nakdoko ne’e maibé too notisia ne’e publika seidauk hetan konfirmasaun husi parte autoridade kompetente sira liu-liu Servisu Meteorolojia, Klimatolojia, no Jeofízika Timor-Leste nian hodi konfirma kona-bá akontesimentu natural ne’e.  

Jornalista: Vito Salvadór