Ministru Samuél Marçal Buka-Hatene Ko’a Saláriu Funsionáriu 500 iha EDTL,E.P

Hatutan.com, (06 Favereiru 2024), Díli— Ministru Obras Públikas, Samuél Marçal sei buka hatene informasaun hosi parte kompetente sira iha Eletrisidade Timor-Leste, empreza Públiku (EDTL,E.P) kona-bá ko’a funsionáriu tékniku na’in-500 nia saláriu keda ema 50%.

Lee Mós: Funsionáriu EDTL,E.P Na’in-150 Halo Petisaun Kontra Superiór Sira Tanba Ko’a Sira-Nia Saláriu 50%

Relasiona ho desizaun autoridade EDTL,E.P sira-nia desizaun ko’a saláriu funsionáriu sira-nian ne’e, reprezentante funsionáriu sira hamutuk ema 150 halo ona abaixu asinadu hodi haruka petisaun lamentasaun bá prezidente EDTL,E.P ho mós koñesimentu bá Ministru Obras Públiku, Samuél Marçal.

Ministru Obras Públika, Samuél Marçal. Foto/Elio dos Santos da Costa

“Ha’u sidauk iha informasaun kona-bá karta petisaun hosi funsionáriu tékniku  EDTL,E.P na’in-500 ka sira-nia reprezentante  ne’ebé dehan la satifaz ho desizaun ko’a sira-nia saláriu kada ema 50%,”  Ministru Samuél Marçal hateten hodi responde Hatutan.com iha Palasiu Governu, Díli, Tersa (06/02/2024).

Samuél Marçal hateten, EDTL hanesan empreza públika nia iha regras rasik no EDTL,E.P iha nia independesia finanseira no patrimóniu rasik.

“Ha’u mós ladun hatene tama to’o laran. Ha’u foin rona husi imi, ha’u sidauk iha informasaun, depois mak hau buka tuir,”  Ministru Samuél Marçal hateten.

Nia hatutan tan katak nia parte  labele halo intervensaun tanba EDTL empreza públika no sira bele rezolve internal.

Iha petisaun funsionáriu sira 500 nian ne’e fó tempu loron 15 bá dirijente ka autoridade sira EDTL,E.P nian atu rezolve. Liu ida-ne’e laiha solusaun, maka funsionáriu sira ne’e sei lori bá justisa atu hetan lia-loos.

Lee Mós: Superiór Sira EDTL,E.P “Taka-Ibun” bá Problema Ko’a Saláriu Funsionáriu 500

 Jornalista: Leopoldina de Carvalho