Komisaun D Sei Vizita Armazén CLN

Hatutan, (14 Juñu 2024), Díli– Komisaun D Parlamentu Nasionál ne’ebé trata asuntu Ekonómia no Dezemvolvimentu sei visita armazén  Sentru Nasionál Lojistiku (CLN, sigla portugés) hodi buka alternativu bá folin foos. 

Lee Mós: Governu Halo Levantamentu Bá Foos Folin Laiha Problema

Foos tonelada 4.000 ne’ebé Governu liu hosi Ministériu Koordenadór Assuntu Ekonómiku (MKAE) sosa iha Cambodia ho $3.000,000, faze dahuluk nian tonelada 2.000 to’o ona Timor-Leste (TL) iha Portu Tibar no sei ba rai iha Centro Logistico Nacional (CLN), Kuarta (01/02/2024). Foto/Vito Salvadór

Kada semana membru PN sira, liuliu Bankada Parlamentár FRETILIN, PLP ho KHUNTO kontínua levanta kestaun folin foos ne’ebé tuir opiniaun balun katak foos folin ne’e sa’e la’ós tanba kestaun hasa’e taxa maibé iha pesoál importadór foos balun mak halimar foos folin iha merkadu.

“Ita-boot sira hatene taxa ita hatuun tiha ona bá 2,5%, maibé iha problema ne’ebé afeita bá presu foos mak mudansa klimatika no mós asuntu sira seluk ne’ebé mak politíka internationál la’o hela iha fatin seluk, inkluí mós funu iha Ukráina. Depois kombustivel transporte ne’ebé karun buat hirak ne’e mak fó impaktu bá  foos folin, Prezidente Komisaun D PN, Ricardo Baptista informa bá jornalista sira iha PN, Sesta (14/06/2024).

Komisaun D nia servisu kuandu bá vizita iha tereñu sempre haree presu iha merkadu no klaru, katak  iha munisípiu foos folin sempre diferénsia ho kapitál.

Nia fó hanoin katak atu hafasil komunidade sira iha kbiit bá sosa foos  mak iha obsaun rua, ida mak Governu tenke  fó subsídiu hela de’it no ida fali mak Governu aselera ezekusaun orsamentu jerál estadu (OJE) tuun bá kraik no osan tenke ezekuta ho di’ak hodi bele garante osan sirkula iha povu.

Nia husu Ministériu Obras Públiku, hadi’a irigasaun no husu Ministériu relevante no setór privadu sira tenke hanoin ona hodi investe iha área produtivu sira.

Jornalista Estajiária: Zita Menezes